भांगरभूंय | प्रतिनिधी
बेळगांव, खबरां संस्था: बेळगाव-जांबोटी-चोर्ला-गोंय मार्गावेल्या कुसमळी पुलाक तेंकून आशिल्ल्या रस्त्यार एक ट्रक चिखलांत आडकला. हाका लागून पुलाचेर येरादारी आडकून उरिल्ली. मात सध्या हो आडकल्लो ट्रक काडला आनी पुलावेल्यान येरादारी परत सुरळीत सुरू जाल्या.
कुसमळी पुलाचें बांदकाम आजूनय अर्दवटूच आसा. ह्या मार्गाच जड वाहनांक बंदी घातिल्ली. मात कांय दिसां सावन प्रशासनान आडनदर केल्ल्यान, तशेंच पुलिसांनी लक्ष दिवंक नाशिल्ल्यान ह्या मार्गावेल्यान जड वाहनां यो-वच करतालीं. हाचोच परिणाम आयज कुसमळी पुलाक तेंकून आशिल्ल्या रस्त्यार ट्रक आडकलो. हाका लागून जांबोटी तशेंच गोंयांत येवपी, बेळगांवां वचपी येरादारी पुरायेन ठप्प जाल्ली
ह्या मार्गावेल्यान जड येरादारी सुरू केल्ल्यान पुलाक धोको निर्माण जाला. फुडाराक कितेंय व्हड घडणूक घडल्यार हाका प्रशासन जापसालदार आसतलें, अशी तिडक नागरिकांनी उक्तायल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
