भांगरभूंय | प्रतिनिधी
कुवेट, खबरां संस्था: आयतारा ६० भारतीय प्रवासी कुवेट विमानतळार २४ वरां परस चड काळ आडकून उरले. हे सगळे मुंबयच्यान इंग्लंडच्या मँचेस्टराक वताले. एनडीटीव्हीच्या रिपोर्ट प्रमाण, ह्या प्रवाशांनी गल्फ एअरान तांकां बरोच वेळ जेवण, उदक आनी रावपाची वेवस्थे बगर दवरिल्ल्याचो आरोप केला.
प्रवाशांनी सांगलें, घडणुके वेळार फकत यूके, युरोपियन युनियन आनी यूएसच्या प्रवाशांक रावपाची आनी जेवणाची वेवस्था केल्ली. जाल्यार भारत, पाकिस्तान आनी दक्षीण- पूर्व आशियायी देशांतल्या लोकांक कसलीच मजत दिवंक ना.
आयतार गल्फ एअरच्या फ्लायटाचे इंजीन अचकीत इबाडलें. ताका लागून फ्लायट वळयलें आनी कुवेट विमानतळार इमर्जन्सी लँडींग केली. तें सारकें जावपा खातीर २४ वरां परस चड वेळ लागलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
