भांगरभूंय | प्रतिनिधी
शिमला, खबरां संस्था: हिमाचल प्रदेशांतल्या कुल्लू जिल्ह्यांत गुरुद्वारा मणिकर्ण साहिब लागसारा आयतारा पालसणां कोसळ्ळीं. हातूंत ४ गाडयो पालसणां पोंदा आयल्यो. उपरांत एक व्हड झाड खुबश्या गाडयांचेर कोसळ्ळें. हातूंत स जाणांक मरण आयलें. वादळ आनी पालसणां कोसळिल्ल्यान गुरुद्वारा मुखारचें झाड हुमटून पडिल्ल्याची म्हायती अधिकार्यांनी दिली. हे घडणुकेंत तीग जाण जखमी जाल्यात. जंय झाड कोसळ्ळें थंय कांय विक्रेते आनी वाहनां उबीं आशिल्लीं.
मरण आयिल्ल्यां मदीं बंगळुरूचो एक पर्यटक आनी दोन थळाव्यांचो आसपाव आसा. जाल्यार हेर तिगांची वळख आजून पटूंक ना. ते खातीर यत्न चल्ल्यांत अशें कुल्लूचे उपविभागीय दंडाधिकारी विकास शुक्ला हांणी सांगलें.
अधिकार्यांनी दिल्ले म्हायती, सगल्या जखमींक कुल्लू हॉस्पिटलांत दाखल केलयात. सध्या तांची स्थिती धोक्या भायर आशिल्ल्याचें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
