भांगरभूंय | प्रतिनिधी
भांगरभूंय । प्रतिनिधी
फोंडेंः कुर्टी- फोडें हांगच्या श्री अमेय उच्च माध्यमीक विद्यालयान बारावेचे परिक्षेंय अदूंय आपली येसाची परंपरा तिगोवन दवोरली. फाटल्या मार्च म्हयन्यांत घेतिल्ले बारावेचे परिक्षेंत ह्या विद्यालयाच्या वाणिज्य फांट्याचो निकाल 100 टक्के लागला. कला आनी व्यवसायिक फांट्याचो निकाल 98 लागला.
वाणिज्य फांट्यांत ह्या विद्यालयांत महंमद गौस बेंनूर हाणे पयलो, कैलास बिश्नोय हाणे दुसरो आनी दिप्ति गिरोडकारान तिसरो नंबर मेळयला. कला फाट्यांत अझिझा शेख, रुचिता रमाकांत तारी आनी स्नेहा नांदोलकारान पयले तीन नंबर मेळयल्यात. व्यवसायिक फांट्यांत नेहा हुदें, शाहीन जमीन आनी शमीम बानून पयले तीन नंबर मेळयल्यात.
अमेय विद्या प्रसारक मंडळाचो अध्यक्ष संदीप खांडेपारकार, सचीव भार्गव कोरडे, उच्च माध्यमीक विद्यालयाचे वेवस्थापक किरण लिमये, प्राचार्य संदीप शिलकार, विद्यालयाचे ज्येश्ठ शिक्षण सुभाष जाण, पालक-शिक्षक संघाचो अध्यक्ष भालचंद्र अभिषेकी हांणी येसस्वी विद्यार्थ्यांक परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
