भांगरभूंय | प्रतिनिधी
भांगरभूंय । प्रतिनिधी
माशेल- कुमारजुवेंच्या शारदा विद्यालय सरकारी हायस्कुलांत उजो पालोवपी दला वतीन पोरण्या गोंयच्या उजो पालोवपी दलाच्या केंद्रांच्या हद्दींतल्या विद्यार्थ्यां खातीर हालींच पोस्टर सर्त जाली. पोरण्या गोंयचे उजो पालोवपी कार्यालयांतलो अधिकारी रवी नायक, मुख्याध्यापिका उज्लवा पोतेकार ह्या वेळार हाजीर आशिल्ली.
शारदा विद्यालय- कुमारजुवें, शारदा हायस्कूल- माशेल, सेंट तेरेझा हायस्कूल- सान्तइस्तेव, सरस्वती हायस्कूल- जुवें, सेंट एलोयसीस हायस्कूल- दिवाडी, सार्वजनीक हायस्कूल- करमळी, मडकयकार नव चैतन्य, खोर्ली पीडीए कॉलनी, ओल्ग गोवा एज्युकेशनल हायस्कूल, सरकारी प्राथमीक शाळा, गांवातवाडो- कुमारजुवें ह्या शाळांतल्या 123 विद्यार्थ्यांनी सर्तींत वांटो घेतिल्लो. 7 तें 10 पिरायेच्या विद्यार्थ्यां खातीर उजो आनी पर्यावरण आनी 11 तें 14 वर्सांच्या विद्यार्थ्यां खातीर फॅक्टरीची उजो सुरक्षा हे विशय पोस्टर तयार करपा खातीर दिल्ले.
सर्त येसस्वी करपा खातीर उजो रक्षक सनी गावडे, रोहित फडते, राजेश मळीक, शिक्षक विठ्ठल गावडे आनी हेरांनी परिश्रम घेतेले. सर्तींतल्या जैतिवंतांक एके खाशेले कार्यावळींत इनामां भेटयतले अशी म्हायती रवी नायक हांणे दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
