भांगरभूंय | प्रतिनिधी
पणजी ः कुमारजुंवेंचें क्रिकेट मैदान देशांतल्या आधुनिक मैदानां सारकें विकसीत करपाची येवजण आसा. फुडल्या कांय दिसांनी मैदानाचे उदरगती खातीर बुन्याद घालपाचे आसात. फुडाराक हांगा रणजी क्रिकेट मॅची जावच्यो हे नदरेनूय आमी पावलां उखलतले, अशें कुमारजुंवेचे आमदार राजेश फळदेसाय हांणी सांगलें. ते दुसरे अखिल गोंय लेदर बाॅल क्रिकेट सर्तीच्या उक्तावणा वेळार उलयताले.
तंदुरुस्तीक उर्बा दिवपा वांगडाच तरणाट्यांक तांची प्रतिभा दाखोवपाची संद दिवपाची गरज आसा. तांकां वेवसायीक खेळांनी करियर करपाक अशे तरेच्यो सर्ती म्हत्वाच्यो. दरेकल्यान सरकारी नोकरी मेळपाक शकना. पूण तांकां खेळाचे नदरेन वेवसायीक जावपाक आमी कितेंय मजत करपाचो यत्न दरेकल्यान करपाक जाय, अशें तांणी सांगलें.
सरपंच सचिन गावडे हांणी येवकार दिलो. पंच नंदकुमार हांणी प्रास्तावीक केलें. टेनिस बाॅल खेळून क्रिकेटींत उदरगत जायना, ते खातीर लेदर बाॅलान खेळपाक जाय. ते खातीर ताका मैदान जाय. तें आनी हेर सुविधा मेळत जाल्यार तो खेळगडो राज्य, राष्ट्रीय पांवड्याचेर खेळपाक शकता अशें नंदकुमार हांणी सांगलें. ह्या वेळार लक्ष्मण रायकार, निलेश शिरोडकार, प्रशांत जोशी, चंद्रकांत कोळी, आदित्य चोडणकार आनी हेर मानेस्त हाजीर आसले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
