भांगरभूंय | प्रतिनिधी
भांगरभूंय । प्रतिनिधी
वास्कोः कर्नाटक राज्यांतल्या कुमठा मतदारसंघांत जैतिवंत जाल्लो भाजपाचो उमेदवार दिनकर शेट्टीन आपल्या जैतांत भाजपाचो वास्को मतदारसंघाचो आमदार कृष्णा (दाजी) साळकार हाचो पन्नास टक्के वांटो आसा हें जाहीरपणान मानून घेवन आपल्या जैता खातीर ताचो भोवमान केलो.
शेनवाराक कर्नाटक विधानसभा वेंचणुकांचो निकाल जाहीर जातगीर जैतिवंत जाल्ल्या शेट्टीन कुमठा भाजपा मंडळ अध्यक्ष, भाजपा वावुरपी आनी आपल्या समर्थकां वांगडा साळकाराचो भोवमान केलो. आमच्या भाजपाच्या गोंय राज्यांतल्या वास्को मंतदारसंघातलो आमदार कृष्णा साळकारान म्हज्या जैता खातीर यत्न केलें. कुमठांतल्या लोकांची मनां ताणे जिखलीं. ताका लागून आपले जैत सोपें जालें अशें दिनकर शेट्टीन सांगलें.
कृष्णा साळकारा कडेन भाजप पक्षान कुमठा मतदारसंघाची प्रवासी प्रभारी ही जापसालदारी दिल्ली. दिनकर शेट्टीच्या जैता खातीर साळकारान कांय दीस सेगीत प्रचार केल्लो. आपल्या जैताचें स्रय शेट्टीन साळकाराक दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
