भांगरभूंय | प्रतिनिधी
भारतीय वेधशाळा सप्तकांत दर दिसा वारें, पावस कशें आसूं येता त्यो शिटकावण्यो दिता. कित्याक दितात अचकीत शिटकावण्यो अशें विचारपीय आसतात. वाऱ्या पावसांत मनीसजीण, मालमत्तेचें लुकसाण जावचें न्हय हेखातीर जतनाय घेवपापासत सादूर रावचें म्हणून शिटकावण्यो दिवप गरजेचें. वेधशाळेचे अदमास 100 टक्के सत आसतले अशें न्हय. वेधशाळा सांगतली त्याच वेळार रों रों वारो येतलो, घोग्यांनी पावस पडटलो अशेंय ना पूण 75 टक्के अदमास खरे जातात हें बारीकसाणेन अभ्यास केल्यार कळटा.
मळब वाचल्यार कुपांआड वचपी चान्ने, चंद्रीम दिश्टी पडटा. चंद्रीम, चान्न्याचे बदलपी रंग, रुपां अमासेच्या उपरांत दिसतलीं. तोमेरेन भिरीभिरी, शिरीशिरी, पिरीपिरी, उटंगाराचो पावस पडटलो. खंय उणो, खंय चड, शारांतल्या शारांतय पावसाचे रंग, रूप बदलतलें. ज्येश्ठां कडेन उलयल्यार ओल्तेरार बशिल्लेकडेन मळब पळोवन, मोबायलार वाचून पावस येता, वता तें कळटलें. वाॅटस अॅपार रकाद धाडूंक, कुरवांनी उलोवंक ज्येश्ठय शिकल्यात.
वाचन करात तांचेवरी, वाडदीसाचें सेलेब्रेशनय घरांतच, घरच्या लोकांसांगाता जावचें ही तांची नीत. भुरग्यांच्या वाडदिसाक पार्ट्यो कित्याक करप? पयशे चड जाल्यात म्हणून? तोच पयसो भुरग्यांचें शिक्षण, शिकवणेचेर, पुस्तकां विकतीं घेवपाक उपेगांत हाडल्यार देसाक बरे नागरीक मेळटले.
भुरगीं, जाणट्यांच्या काणयांतल्यान खासदार सुधा मूर्ती मिनीमलिस्ट संस्कृतीविशीं जागृताय करतात. ज्येश्ठ, वरिश्ठांनी कपडे विकते घेवप, दिवप उणें करचे, कपड्यांचो कोयर उणो जातलो हो विचार तांचे जागृतायेंत आसूंये.
अन्न शिजयतनां, जेवतनां तें कमी आसचें, खावचें हेखातीर जतनाय घेवपाक जाय. ऋतुमानाप्रमाण घरांतल्यांक, हॉटेलांतल्या रांदप्यांक, केटरर्सांक अन्नाचें म्हत्व कळपाची गरज आसा. अन्न शिजोवपांत, वाडपांत, मांडपांत कुशळताय आसता. तेच कुशळतायेन सांजवेळा मेकळे सुवातेर (वॉक) चलतना वॉक करतना मळबा कडेन पळयल्यार कुपांआड वचपी चंद्रीम पावसांतय दिसतलो.
चंद्रीम, चान्न्याचे रंगय बदलतात? केन्ना भांगराळो, गुलाबी, धवेफुल्ल. तातूंतय विज्ञान लिपिल्लें आसा ऋतुमानाचें, येवपी, वचपी. धर्तरेवयल्या कोयर वेवस्थापनाचें, मातयेचें, सैमसंपदेचें पडबिंब चंद्रीम, चान्न्यांचेर पडटा व्हय?
पावसांत नितळ मळब दिसा उजवाडे कुपांनी भरिल्लें आसता. नखेत्रांनी भरील्लें मळब पावसांत नासता, पावस सोंपतना तें पळोवंक मेळटलें.
कुपांआड वचपी चंद्रीम पावसांत पळोवपाक मेळटलो जाल्यार मजल्यार मजल्यांच्यो बिल्डिंगो, मेकळ्यो सुवाती (ओपन स्पेसीस) राखून दवरच्यो पडटल्यो. 10 – 15 मजल्यांच्यो बिल्डिंगो लागीं लागीं बांदल्यार मळब, मार्गय शेण्टा. उगत्या मळबांतलो चंद्रीम रस्त्यार सांठील्ल्या पावसाच्या उदकांत दिसता व्हय ?
हवामान खातें सादूर रावपाची शिटकावण्यो दितना घरा कोणे रावप, गरज आसल्यारुच घराभायर सरप तें सांगिल्लें आसता. कांय वेळार त्यो शिटकावण्यो अती दिसत पूण तातूंत अर्थ आसता. अर्द वर, वर दोन वरां फाटीं फुडें भायर वचपा, येवपाची दिसपटी थारावप शक्य जाता.
एके वळींतल्या, नारींगी, पांचव्या, तांबड्या रंगाच्या शिटकावण्यांनी सादूरताय, जतनाय लिपिल्ली आसता. पालसणां खंय कोंसळतलीं? खंयच्या वाठारांतल्या रस्त्यार उदक भरिल्लें आसतलें ? उदक उसपुखातीर हाडिल्लीं कोसमेवपी यंत्रां, तंत्रां उपेगांत हाडूंक मेळटलीं तें वेधशाळेच्यो शिटकावण्यो वाचल्यार कळटा.
शिटकावण्यो दितल्यांक थळाव्या वाठाराची म्हायती आसल्यार, एका शारापासत दिल्ली शिटकावणी दुसऱ्याकय उपेगी जातली. कुपांआड वचपी चंद्रीम जसो सोदचो पडटा तितलींच चंद्रीमाचेर, चंद्रीमाभोंवतणचीं कुपां धवीं, नारींगी, भांगराळीं दिसतात.
मेकळे सुवातींतल्यान भोंवतना केन्ना मळबांतलीं कुपां तुमच्या फाटल्यान येतात अशें दिसतात, त्या कुपांनी शिटकावण्यो आसतात. त्योच खबरांनी दोन वळींनी, नकाशांनी दिसतात. दिवपी वरीश्ठ आसतात, केन्नाय चुकतात रडारांतल्यान मळबांतलीं कुपां पळयतना. तींच तर आधार पावस, वारोच न्हय उबाळांच्या ल्हारांची शिटकावणी दिवपाक.
मिर्गाचो पावस मिर्ग लागतना आयिल्ल्याचें वेधशाळेन कळीत केलें. ऋतुमानाचें चक्रय ल्हान व्हड जाता, केन्ना 24 वरांची 22 – 25 य जातात, तें गुपीतय विज्ञानाचें.
वेधशाळा केन्ना केन्ना नापास जाल्ल्यान गुजरातांत विमानाचो अॅक्सिडेंट जाला व्हय? उदरगतींत उंचायेर गेल्लें गुजरात कित्याक चुकलें? कोण न्हिदले? कोणाक सुस्ती माल्ली? विदेशांत गेल्ले, वचपी भारतीय गिन्यांनी पावसा वाऱ्याच्या शिटकावण्यांनी शिटूक जावंक जाय. मळबांतलो चंद्रीम सोदतना भुयेंक जो विसरना तो मायभासेक कसो विसरतलो?
सुहासिनी प्रभुगांवकार
9881099260
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
