भांगरभूंय | प्रतिनिधी
मुख्यमंत्री : कुणबी लुगटां पासून तयार केल्ल्या वस्तूंच्या प्रदर्शनाचें उक्तावण
भांगरभूंय । प्रतिनिधी
पणजी : कुणबी लुगटांच्या वस्तूंक फक्त गोंयांतूच न्हय जाल्यार संवसारीक पांवड्याचेर नांव आनी बाजारपेठ आतां मेळ्ळ्या. सरकार हाचे फुडें लेगीत अशा हातमाग मळाक उर्बा दिवपाक सदांच तेंको दितलें, अशे मुख्यमंत्री डॉ. प्रमोद सावंत हांणी कुबणी हातमाग प्रदर्शनाचें उक्तावण केले उपरांत सांगलें.
11 व्या राष्ट्रीय हातमाग दिसा निमतान बिरेस्तारा पर्वरे विधानसभा संकुलांत गोंय राज्य ग्रामीण उपजिविका मिशन तशेंच ग्रामीण उदरगत खात्याच्या जोडपालवान कुणबी साडी तशेंच कुणबी लुगटां पासून तयार केल्ल्या हेर वस्तूंच्या प्रदर्शनाचें आयोजन केल्लें. ह्या प्रदर्शनाचें उक्तावण मुख्यमंत्री डॉ. प्रमोद सावंत हांचे हस्तुकीं जालें. ह्या वेळार गोंय विधानसभेचे सभापती रमेश तवडकार हाजीर आशिल्ले.
फाटल्या 6 वर्सांत गोंयच्या हातमाग मळाचो गोंयांत खूब विस्तार जाला, अशें मुख्यमंत्री सावंत हांणी उक्तावण उपरांत म्हणलें. कुणबी लुगटाच्यो साडयो तशेंच शाल, कुणबीचे कपड्याचें आवरण आशिल्यो डायरी, कुणबी तुवाले, जॅकेट, ह्यो वस्तू तयार करून तांकां फक्त गोंयांतूच न्हय जाल्यार संवसारीक पांवड्याचेर नांव आनी बाजारपेठ मेळ्ळ्या. सरकार हाचे फुडें लेगीत अशा हातमाग मळाक उर्बा दिवपाक सदांच तेंको दितलें, अशें मुख्यमंत्र्यान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
