भांगरभूंय | प्रतिनिधी
कुडींत रगताचो उणाव आसल्यार ॲनिमिया सारके धोक्याचे दुयेंस जावंक शकतात. तकली दुखप, घुंवळ येवप, हात-पांय थंड जावप अशीं लक्षणां दिसल्यार ताचे कडेन दुर्लक्ष करचें न्हय. कुडींतल्या रगताच्या उणावाक लागून स्वास घेवपाकय त्रास जाता. तशेंच कात हळडुवी जावपाक लागता आनी काळजाक लागून जावपी समस्यांचो धोको वाडटा. कुडींतल्या रगताची उणाव भरुन काडपा खातीर सगळ्यांत पयलीं लोखण भरपूर आशिल्लें अन्न खावप गरजेचें. लोखण कुडींतलें हिमोग्लोबीन वाडोवपाक मजत करता जाका लागून रगताचें प्रमाण नेटान वाडटा.
दूद आनी चीज सारकिल्ले दुदाचे पदार्थांतल्यान कुडीक कॅल्शियम आनी व्हिटॅमिन डी मेळटा. जीं रगतपेशीं निरोगी दवरपाक मजत करतात. हाचे वांगडाच शक्य जाल्यार गोड आनी शेंगदाणे खावचे कारण ते कुडींत उर्जा आनी रगत वाडोवपाक मजत करतात आनी फावो त्या प्रमाणात उदक पियेवंक. हाका लागून कुडींत रगताचो प्रवाह सुदारता.
पालक, बीट, डाळिंब आनी गोड हे लोखणाचे उत्कृश्ट स्रोत आसून ते रगत वाडोवपाक खूब उपेगी पडटात. हाचे भायर संत्रां, लिंबू, आंवळो सारकिल्लीं जीवनसत्व सी आशिल्ली फळां खाल्यार लोखणाचें प्रमाण वाडटा. हांचे सेवन केल्यार रगत वाडोवपाक मजत जाता. हाचे वांगडाच नुस्तें, तांतयां आनी चिकन खाल्यार रगत वाडपाक मजत जाता. पूण तें समतोल प्रमाणांत खावप गरजेचें.
रगत उणें आशिल्ल्या लोकांनी जीवनसत्व बी 12 आनी फॉलीक अॅसिड पूरक पदार्थ खावचें. कारण रगतपेशी तयार जावपाखातीर त्यो गरजेच्यो आसतात. जीवनसत्व बी 12 ची योग्य पातळी सांबाळपाखातीर दूद आनी तांतयां खावप बरें. शाकाहारी लोकांक दोतोराच्या सल्ल्या प्रमाण जीवनसत्व बी 12 पूरक पदार्थ घेवंक मेळटात. फॉलीक अॅसिडा खातीर पाचव्यो भाजयो, वाटाणे आनी कडधान्यांचो आहारांत आस्पाव करचो.
कुडींत रगताची उणीव आसल्यार तांब्याच्या आयदनांतले उदक पियेवप लेगीत फायद्याचें थारूंक शकता. ताका लागून हिमोग्लोबीन वाडोवपाक मजत जाता. दर दिसा सकाळीं तांब्याच्या आयदनांतले उदक रिकाम्या पोटार पियेल्यार रगतांत लोखणाचें प्रमाण वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
