भांगरभूंय | प्रतिनिधी
गिमांत येवपी फळां मदलें लिची हें एक फळ. हें फळ भुरगीं आनी खुबश्या जाणांक आवडटात. गिमाच्या दिसांनी लिची खाल्यार जायते फायदे जातात अशें भलायकी तज्ञ सांगतात. लिचींत व्हिटॅमिन सी, रायबोफ्लेव्हिन, नियासीन, व्हिटॅमिन बी ६, फोलेट, तांबें, पोटॅशियम, मॅग्नेशियम, फॉस्फरस आनी मँगनीज भरपूर प्रमाणांत आसता. जें तुमची कूड आनी पोट थंड दवरपाक आदार करता. हाचे भायर लिची खाल्यार हेर कितें फायदे आसात? जाणून घेवया.
लीची खाल्ल्यान जावपी फायदे
१. रोगप्रतिकार शक्त वाडयता: लिची डिहायड्रेशना पसून वाटायता. तशेंच रोगप्रतिकार शक्त गटमूट करता. लिचींत व्हिटॅमिन सी, रिबोफ्लेविन, नियासिन, बीटा कॅरोटीन आनी फोलेट हे रोगप्रतिकार शक्ती वाडोवपी घटक आसतात.
२. निर्जलीकरण आडायता: गिमाच्या दिसांनी लिची खाल्यार निर्जलीकरण जावचें ना. लीची हो उदकाचो बरो स्त्रोत मानतात. देखून गिमाच्या दिसांनी तें खाल्यार खूब बरें आनी फायद्याचें आसता.
३. निरोगी काळीज: काळीज निरोगी दवरपाक जाय जाल्यार लिची खावची. लीची खाल्यार कॅन्सराचोय धोको उणो जाता. तातूंत अँटीऑक्सिडेंट आसतात. जें काळजाक लागून जावपी दुयेंसांकय पयस दवरता.
४. वजन उणें करपाक उपेगी: लीची खाल्यार वजन उणें जावपाकय आदार जाता. लिचीच्या बियांनी ऑलिगोनॉल आसता, जें वजन नियंत्रीत करपाक खूब प्रभावी थारता. देखून ताचो मुखेलपणान आहारांत आस्पाव करचो.
५. भरपूर उर्जा मेळटा: लीची खाल्यार कुडींत उर्जा वाडटा. लिची कुडींत भितर सरतकच कॅलरीज उर्जेंत रुपांतरीत जातात. ताका लागून कुडींतलो उर्जेचो प्रवाह वाडटा आनी तुमकां उर्जेची जाणविकाय जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
