भांगरभूंय | प्रतिनिधी
मडगांवः कुडतरीच्या मायतळे वाठारांतल्या तळ्यांत जाळें वरवीं नुस्तेंमारी केली. हे खेपे व्हड प्रमाणांत नुस्तें धरलें आनी ह्या वर्सा शेतकारांनी तें नुस्तें विकचे बदला आपले मदीं वांटून घेतले. अंदूं तळ्यांतलो गाळ काडून निवळ करतले अशेंय सांगलें.
कुडतरीच्या मायतळे वाठारांतले शेतकार एकठांय येवन ऑक्टोबर म्हयन्यांत तळ्यांत नुस्त्याचीं बियां घालतात. ह्या नुस्त्याच्या विक्रींतल्यान मेळपी पयशांचो उपेग धरण बांदपा खातीर आनी तळ्याचे हेर दुरुस्तीचे काम करपा खातीर करतात. ट्रॅक्टर आनी हेर यंत्रणां शेतकारांक आमदार आलेक्स रेजिनाल्ड लॉरेन्स दिता देखून शेतकारांचेर व्हडलोसो अर्थीक भार पडना. सद्या ह्या तळ्यांत व्हड प्रमाणांत गाळ जमला आनी तो काडून उडोवपाची गरज आसा. देखून ह्या वर्साचे नुस्तेंमारीक बेगीन सुरवात केल्या.
नुस्तेंमारीचो हंगाम सोंपतकच गाळ काडून तळें निवळ करपाचें आश्वासन आमदार रेजिनाल्ड हांणी दिले. हे खेपे नुस्तेंमारींत चणाक, केटला, तिलापी आनी रोहू सारकें बरें नुस्तें धरलां. सध्या फकत गरजे प्रमाण नुस्तें धरलां आनी कांय दिसांनी नुस्तेंमारी परतून करतले अशें थळावे रुई मिनेझिसान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
