भांगरभूंय | प्रतिनिधी
वाळपय: होंडा कुडणेंच्या श्री आजोबा देवस्थानाचो पादुकां अर्पण सुवाळो आयतार ता. 18 डिसेंबराक आयोजीत केला. ह्या निमतान विवीध कार्यावळींचें आयोजन केलां. तशेंच खासा रक्तदान शिबिराचेंय आयोजन हांगा केलां. हातूंत नागरिकांनी व्हडा प्रमाणांत वांटो घेवपाचो उलो समितीन दिला.
सकाळच्या 9 वरांचेर धर्मीक विधी उपरांत महाभिशेक जातलो. हातूंत कुडणें देवस्थानाचे अध्यक्ष उदय मळीक आनी आजोबा देवस्थानाचे अध्यक्ष प्रशांत देसाय वांटो घेतले.
दनपारच्या 1 वरांचेर महाप्रसाद जातलो. सांजच्या 7 वरांचेर डॉ. प्रवीण गांवकार हांच्या गायनाची कार्यावळ जातली. हातूंत पल्लवी पाटील आनी वांगडी कलाकार वांटो घेतलीं.
ही कार्यावळ येसस्वी करपा खातीर समितीचे सचीव अनंत धुमे, सत्यवान नायक, उत्सव समितीचे अध्यक्ष विठोबा वांतेकार, महिला समितीचे अध्यक्ष अर्चना कोरगांवकार आनी हेरांनी मेहनत घेतल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
