भांगरभूंय | प्रतिनिधी
मडगांव : कुडटरच्या तळ्यांतल्या नुस्त्याची पावणी केल्ली. ते प्रमाण आयतारा सकाळीं नुस्तें धरलें. जितलें अंदूं नुस्तें मेळ्ळां, तितलें ह्यान पयलीं केन्नाच मेळूंक ना, अशें शेतकारांनी सांगलें. हें नुस्तें विकत घेवपा खातीर गिरायकांनी गर्दी केल्ली.
कुडतरच्या तळ्यांतलें नुस्तें फुडल्या आयतारा परत नुस्तें धरतले. दर फावटीं ५०० रुपया किल नुस्तें दिताले. अंदूं ५०० रुपयांनी अडेज किल अशें नुस्तें विकलां. हाका लागून लोकूय बरेच खूश आसात, अणेंय तांणी सांगलें.
कुडतर्यां स तळीं आसात. ही सवूय तळीं बरे तरेन सांबाळटले. अंदूं तळ्यांतलें नुस्तें धरलें तेन्ना चिकाली, चोणक ह्या नुस्त्यां सयत हेर नुस्तेंय मेळ्ळें. सगल्यांक वांगडा घेवन परंपरा सांबाळटात. तळ्याची समिती नुस्त्या खातीर पावणी जाहीर करता आनी पावणेंत नुस्तें धरपाची जापसालदारकी जाका मेळटा तो नुस्तें धरून विकता. हातुंतल्यान समितीक मेळपी पयसो तळें नितळ करपाक, बांद नितळ करपाक आनी शेतकारांच्या विवीध कामां खातीर वापरतात. तळ्याक ५० मिटर बफर झोन आसा. कुडतर्यां कृषी ग्राम म्हणून वळख दिवपाचो यत्न आसा. दायज म्हणून जी सैमीक संपदा मेळ्ळ्या ती राखून दवरपा खातीर, परंपरा कायम राखपाचो यत्न आसतलो, अशें कुडटरचे आमदार आलेक्स रेजिनाल्ड हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
