भांगरभूंय | प्रतिनिधी
कुडटरी जिमखानान बेताळभाटी व्हिलेजर्स करंड आंतरगांव फुटबॉल सर्तीचें वस्तादपण जोडलें. बेताळभाटी मैदानाचेर जाल्ले मॅचींत ताणें पॅरीश यूथ नुवेंक टायब्रेकरांत 4-2 अशा गोल फरकांनी हारयलो.
पुर्ण वेळाच्या खेळांत दोनूय क्लब गोलाविणें बादाबाद उरिल्ल्यान निकाल लावपाक टायब्रेकराचो आदार घेवचो पडलो.
टायब्रेकरांत कुडटरी जिमखाना वतीन जॉव्हेल मार्टिन्स, अॅलिस्टन मार्टिन्स, जेम्स फर्नांडीस आनी मारियो मास्कारेन्हस हांणी गोल केले, जाल्यार पॅरीश यूथ नुवें वताीन इनासियो कुलासो आनी अॅलॉलियस फर्नांडीसान गोल केले.
ह्या जैतान कुडटरी जिमखानाक 60 हजार आनी करंड जाल्यार उपवस्ताद पॅरीश यूथ नुवेंक 40 हजार आनी करंड फावो जालो.
हेर वैयक्तीक इनामांः निक्सोन कास्तान्हा (फायनलींतलो खेळगडो, कुडटरी जिमखाना), जॉव्हेल मार्टिन्स (फायनलींतलो पयलो गोल, कुडटरी जिमखाना), जॉय हिलारियो (उत्कृश्ट गोलकीपर, कुडटरी जिमखाना), मारियो मास्कारेन्हस (उत्कृश्ट डिफॅण्डर, कुडटरी जिमखाना), इनासियो कुलासो ( उत्कृश्ट मिडफिल्डर, कुडटरी जिमखाना), डॉन बॉस्को ऑरेटरी फातोड्डें (शिस्तीचो पंगड).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
