भांगरभूंय | प्रतिनिधी
भांगरभूंय । डीआय
पणजीः रवींद्र भवन, कुडचडें हांचे वतीन 26 आनी 27 जानेवारीक सांगें आनी केंपे तालुको पांवड्या वयली गीत गायन सर्त आयोजीत केल्या 7 तें 18 पिरायेचो ज्युनियर गट आनी 18 वर्सा पिराये वयल्या सिनियर गटांत ही सर्त जातली. कोंकणी, मारठी आनी हिंदी अशे तीन वर्ग आसतले. सर्तकांक खंयचोय एका वर्गांत वांटो घेवपाक मेळटलो. सर्ती खातीर 7 हजार, 5 हजार आनी 3 हजार अशी पयलीं इनामां दवोरल्यांत. 2 हजार रुपयांचो दोन आनी एक हजारांची तीन उमेद वाडोवपी इनामां आसतलीं.
गीत गायन सर्तींक प्रवेश दिवपा खातीर ऑडीशन फेरी आयतार 14 जानेवारीक सकाळी 10 वरां सावन सुरू जातली. वेंचून काडल्ल्या सर्तकांक 21 जानेवारीक संगीत तालीम सत्राक हाजीर रावपाची सक्ती आसतली. 26 जानेवारीक कोंकणी आनी मराठी ज्युनियर आनी सिनियर गटा खातीर 27 जानेवारी हिंदी गीत गायन सर्त जातली. कुडचडें रवींद्र भवनांत दोनूय दीस दनपारां 3वरांचेर सर्त सुरू जातली.
जयकुमार खांडेकार, राजू नायक आनी फेलिक्स फर्नांडीस सर्तीचे निमंत्रकआसात. सर्ती खातीरचे प्रवेश फॉर्म कुडचडेंच्या रवींद्र भवनात कामाच्या वेळार मेळटले. सर्तींत वांटो घेवपाची निमणी तारीख 5 जानेवारी ही आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
