भांगरभूंय | प्रतिनिधी
निलेश काब्राल : विवीध सर्तींचें आयोजन
भांगरभूंय । प्रतिनिधी
सांगें : कुडचडेंच्या युवा स्वराज स्पोर्ट्स अॅण्ड कल्चरल क्लब हांची सुर्ल कुडचडेंची श्री संतोषी मातेची वर्सुकी जात्रा, नवी मुर्ती प्रतिश्ठापना आनी चवथो वर्धापन दीस महोत्सवा निमतान जावपी लोककला महोत्सवाची सुरवात सोमारा 26 जानेवारी सावन जातली. ही म्हायती कुडचडेंचे आमदार निलेश काब्राल हांणी पत्रकार परिशदेंत दिली. ह्या वेळार तांचे वांगडा युवा स्वराज्यचे अध्यक्ष प्रतीक प्रभाकर वस्त आनी हेर मानेस्त हाजीर आशिल्ले.
ह्या महोत्सवा निमतान सोमारा 26 जानेवारीक सकाळीं 10 वरांचेर हायस्कुलाच्या विद्यार्थ्यां खातीर अखील गोंय देशभक्ती चोंबो गायन सर्त जातली. हातूंत पयलें इनाम 5 हजार रुपया आनी करंडक, दुसरें इनाम 4 हजार रुपया आनी करंडक, तिसरें इनाम 3 हजार रुपया आनी करंडक आनी उमेद वाडोवपी दरेकी 2 हजार रुपयांचीं 3 इनामां आनी करंडक दितले. उत्कृश्ठ तबला वादकाक 1 हजार रुपया आनी करंडक, उत्कृश्ठ हार्मोनियम वादकाक 1 हजार रुपया आनी करंडक दितले. सांजेच्या 6.30 वरांचेर ‘ताल संग्राम’, ‘वाजयतो तो गाजयतलो’ राज्य पांवड्या वयलो ढोल ताशा उत्सव 2026. सर्ती खातीर पयलें इनाम 50 हजार रुपया आनी करंडक, दुसरें 30 हजार रुपया आनी करंडक, तिसरें 20 हजार रुपया आनी करंडक, तशेंच दरेकी 10 हजार रुपयाचीं 3 उमेद वाडोवपी इनामां आनी करंडक दितले.
मंगळारा 27 जानेवारीक सकाळीं बायलां खातीर फुलांचो हार, परंपरीक फुलांचो हार आनी फाती घालपाची सर्त. (विशेश सुचोवणी- हार आनी फातीं दनपारां 2 वरां मेरेन आयोजन समिती कडेन पावोवप गरजेचें आसा). हे सर्ती खातीर पयलें इनाम 1 हजार रुपया आनी करंडक, दुसरें इनाम 500 रुपया आनी करंडक, तिसरें इनाम 300 रुपया आनी करंडक, दरेकी 200 रुपयांचीं तीन उमेद वाडोवपी इनामां दवरल्यांत. त्याच वेळार अखील गोंय मेथी घालपाची सर्त घेतले. हे सर्तींत पयलें इनाम 3 हजार रुपया आनी करंडक, दुसरें इनाम 2 हजार रुपया आनी करंडक, तिसरें इनाम 1 हजार रुपया आनी करंडक, तशेंच दरेकी 500 रुपयांचीं तीन इनामां आनी करंडक दितले. सांजेच्या 7 वरांचेर लोकनाच सर्त ‘गोमन्त लोकवेध 2026’ जातली. हे सर्तींत पयलें इनाम 15 हजार रुपया आनी करंडक, दुसरें इनाम 10 हजार रुपया आनी करंडक, तिसरें इनाम 5 हजार रुपया आनी करंडक, तशेंच दरेकी 1500 रुपयांचीं पांच उमेद वाडोवपी इनामां आनी करंडक दितले. तशेंच उत्कृश्ठ वेशभुशे खातीर 500 रुपयांचें इनाम आनी करंडक भेटयतले.
बुधवारा 28 जानेवारीक रातच्या 9 वरांचेर खासा बायलां खातीर उखाणें सादरीकरण सर्त जातली. पयलें इनाम 5 हजार रुपया आनी करंडक, दुसरें इनाम 4 हजार रुपया आनी करंडक, तिसरें इनाम 3 हजार रुपया आनी करंडक, तशेंच दरेकी एका हजाराचीं तीन उमेद वाडोवपी इनामां आनी करंडक दवरल्यात.
बिरेस्तारा 29 जानेवारीक सांजेच्या 6.30 वरांचेर अखील गोंय दिंडी सर्त ‘दिंडी महोत्सव 2026’ जातली. हे सर्ती खातीर पयलें इनाम 30 हजार रुपया आनी करंडक, दुसरें इनाम 25 हजार रुपया आनी करंडक, तिसरें इनाम 20 हजार रुपया आनी करंडक, तशेंच दरेकी 5 हजार रुपयांचीं 5 इनामां आनी करंडक भेटयतले. उत्कृश्ठ गायका खातीर एक हजार रुपया आनी करंडक, उत्कृश्ठ पखवाज वादका खातीर एक हजार रुपया आनी करंडक, संत तुकारामाचे उत्कृश्ठ वेशभुशे खातीर एक हजार रुपया आनी करंडक, वासुदेवाचे उत्कृश्ठ वेशभुशे खातीर एक हजार रुपया आनी करंडक, उत्कृश्ठ विठ्ठल रखुमायेचे वेशभुशे खातीर 2 हजार रुपया आनी करंडक तशेंच उत्कृश्ठ गजर रचने खातीर एक हजार रुपया आनी करंडक दितले.
शुक्रारा 30 जानेवारीक सांजेच्या 7 वरांचेर अखील गोंय राज्य पांवड्या वयली फुगडी सर्त ‘फुगडी महोत्सव’ घेतले. पयलें इनाम 15 हजार रुपया आनी करंडक, दुसरें इनाम 10 हजार रुपया आनी करंडक, तिसरें इनाम 5 हजार रुपया आनी करंडक, तशेंच दरेकी देड हजाराची पांच उमेद वाडोवपी इनामां दितले. प्रथम गायका (पंगड) खातीर 500 रुपया आनी करंडक, दुसरो उत्कृश्ठ गायका (पंगड) खातीर 500 रुपया आनी करंडक, उत्कृश्ठ वेशभुशे खातीर 500 रुपया आनी करंडक दितले.
सर्तींत वांटो घेवन महोत्सवाची सोबाय वाडोवची अशें काब्राल हांणी मागलां. अध्यक्ष प्रतीक वस्त हांणी कार्यावळ कशी आसतली हाचे विशीं म्हायती दिली. सर्तींत वांटो घेवचे खातीर प्रतीक वस्त (9923366037), रवीत नायक (7066195806) वा तनुजा (9923541355) हांचे कडेन संपर्क करचो, अशें आयोजन समितीन कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
