भांगरभूंय | प्रतिनिधी
कुडचडेंः कुडचड्यार फुटपाथांची स्थिती गंभीर जाल्या. फुटपाथा वयले पेव्हर्स फुटिल्ल्यान चलत वचपी लोकांक त्रास जातात. अशाच पेव्हर्स फुटिल्ल्या फुटपाथा वयल्यान चलत वतना एक तरणाटो पडून जखमी जालो. पुलिसांक हे विशीं म्हायती मेळ्ळे उपरांत तांणी ताका पुलिसांच्या गाडयेंत घालो आनी हॉस्पिटलांत व्हेलो.
हे संबंदी म्हायती दितना थळाव्यांनी सांगलें, कुडचडें नगरपालिका वाठारांतल्या कांय फुटपाथांची स्थिती गंभीर जाल्या. पूण नगरपालिका हाचे कडेन आडनदर करीत आसा. हाका लागून लोकांक फुटपाथा वयल्यान चलप कठीण जाला. पेव्हर्स फुटिल्ल्या फुटपाथांचेर पडून जायते जाण जखमी जाल्यात.
ह्या फुटपाथांचेर नगरपालिका नगरसेवक आनी अधिकारी चलतात. तेच बरोबर कितलेशेच फावट थळाव्या लोकांनीय फुटपाथांची दुरुस्ती करची अशी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
