भांगरभूंय | प्रतिनिधी
सांगें: कुडचडेंच्या युवा स्वराज खेळां आनी सांस्कृती क्लबान आयोजीत केल्ली दुसर्या गरबा दांडिया कार्यशाळेचें उक्तावण आमदार निलेश काब्राल हांचे हस्तुकीं जालें. हो सुवाळो कुडचडेंच्या श्रीसंतोषी माता देवळाच्या अन्नपूर्णा सभाघरांत जालो. ही कार्यशाळा 24 सप्टेंबर ते 2 ऑक्टोबर मेरेन चलतली.
उक्तावणा उपरांत निलेश काब्राल हांणी सांगलें, दसर्याची परब जाले उपरांत ऑक्टोबराचे 19 वेर कुडचडेंच्या रविंद्र भवनांत गरबा दांडिया सर्त घेतले.
ह्या वेळार जिल्हो पंचायत वांगडी सिद्धार्थ गांवस देसाय, नगराध्यक्ष प्रसन्ना भेंडे, सरपंच कविता गांवस देसाय, नगरसेवक आनी कार्याध्यक्ष विश्वास सावंत देसाय, सर्वोदय हायस्कुलाची मुख्याध्यापिका अलका फळदेसाय, डॉ. ममता काकोडकार, सांगें-केपंें पत्रकार संघाचे अध्यक्ष मयूर नायक, सांगें पत्रकार संघाचे अध्यक्ष संदीप मापारी, युवा स्वराजाचे अध्यक्ष प्रतीक वस्त आनी हेर मानेस्त हाजीर आशिल्ले.
ह्या वेळार सिद्धार्थ गांवस देसाय, प्रसन्ना भेंडे, कविता गांवस देसाय हांचीं उलोवपां जालीं. ह्या वेळार पत्रकार संदीप मापारी आनी मयूर नायक हांचो भोवमान केलो. कार्याध्यक्ष विश्वास सावंत हांणी येवकार आनी प्रास्तावीक केलें. सुत्रसंचालन बंटी उडेलकार हांणी केलें जाल्यार उपकार अलका फळदेसाय हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
