भांगरभूंय | प्रतिनिधी
भांगरभूंय । प्रतिनिधी
कुडचडेंः दयानंद कला केंद्र- कुडचडें हे बांदोडकार हाचे यादीक ओपिल्ले संस्थे वतीन आयतार 12 मार्चाक भाऊसाहेब बांदोडकार हांची 122वी जयंती दोन कडेन विशेश कार्यावळींनी मनयतले. पयली कार्यावळ सकाळीं 10 वरांचेर सांगे हांगा नगरपालिका गार्डनांत जातली. समाज कल्याण मंत्री तशेंच सांगेचो आमदार सुभाष फळदेसाय हे कार्यावळीक मुखेल सोयरे म्हणून हाजीर रावतले.
गार्डनात आशिल्ल्या भाऊच्या पुतळ्याक फुलां हार घालून सांगें तालुक्यांत भाऊसाहेबान आपले मुख्यमंत्रीपदाचे कार्यकाळांत उजवाडांत हाडल्ल्या पर्यटन थळां खातीर दिल्ल्या योगदानाच्यो यादी जागयतले, संजीवनी साकर कारखानो, बोडला पार्क, साळावली धरण हांतूंत भाऊसाहेबाच्यो यादी आसात.
जयंती दिसाची दुसरी कार्यावळ कुडचड्यार दयानंत कला केंद्राच्या कार्यालयांत सकाळीं 11.30 वरांचेर जातली. ह्या वेळार कुडचड्याचो आमदार आनी बांदकाम मंत्री नीलेश काब्राल मुखेल सोयरे म्हणून हाजीर रावतले. ह्या वेळार भाऊसाहेबां वांगडा समाज वावर केल्ले कुडचडें हांगचे संस्थेचो ज्येश्ठ वांगडी लक्ष्मण भाऊ मडगांवकार भाऊसाहेबाच्यो यादी सांगललो. सांगे आनी कुडचडे- काकोडें पालिकेचे नगरसेवक हे कार्यावळीक हाजीर रावतले. लोकांनी कार्यावळीक मुजरत हाजीर रावचें अशें दयानंद कला केंद्राचो अध्यक्ष मोर्तू नायक हाणे मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
