भांगरभूंय | प्रतिनिधी
गोंंयच्या क्रिकेट खेळगड्यांं मदीं आत्मविस्वास तयार जावपाची गरज
पणजी : येता ती विधानसभा वेंचणूक कुडचडें मतदारसंंघातल्यान लडोवपाक हांव तयार आसा. भारतीय जनता पक्ष तशेंच लोकांं खातीर वावर करपाची आस्त आशिल्ल्यान वेंचणूक लडोवपाक हांव इत्सूक आसा. दर एकल्याची म्हत्वाकांक्षा आसताच. म्हजी वेंचणूक लडोवन लोकांं खातीर वावर करपाची इत्सा आसा अशें रोहन गांवस देसाय हांणी सांंगलें.
प्रुडंंट मिडियाचे खाशेले कार्यावळींत संंपादक संंचालक प्रमोद आचार्य हांचे कडेन मुलाखतींत उलयतना तांंणी हें उलोवप केलें. रोहन गांवस देसाय हे भारतीय क्रिकेट नियामक मंंडळाचे जोड सचीव आसात.
भारतीय जनता पक्षाच्या युवा मोर्चाचो हाव वांंगडी आसा. खूबशीं वर्सां हांंवें भारतीय जनता पक्षा खातीर वावर केला. कुडचडें मतदारसंंघात भारतीय जनता पक्षाच्या उमेदवारा खातीर हांवें वावर केला. भाजप कडेन कोण उमेदवारी मागना. कार्यकर्त्यांचो वावर पळोवन पक्ष उमेदवारी दिवपा विशींचो निर्णय घेता. म्हजो वावर पळोवन म्हाका उमेदवारी दिली जाल्यार हांंव ती घेतलों अशें तांणी सांगलें.
कुडचडें मतदारसंंघात निलेश काब्राल हे भाजपाचे आमदार आसात. आमदार आसतना दावो कशे करतले? दर एकल्याची म्हात्वाकांंक्षा आसता. म्हजी वेंचणूक लडोवपाची आसा. हाका लागून कोणा मदीं असुरक्षीततायेची भावना तयार जाली जाल्यार ताका हांव कांयच करूंक शकना. कार्य करीत रावात, असो पक्षाचो आदेश आसता. केपें, काणकोण, कुंंकळ्ळी ह्या मतदारसंंघांत काय हांंव वेंचणूक लडोवंक शकना. हाका लागून कुडचडें मतदारसंंघातल्यानूच म्हाका वेंचणूक लडोवपाची पडटली, अशें तांंणी सांंगलें.
गोंंयच्या क्रिकेट खेळगड्यांं कडेन गुणवत्तेचो उणाव ना. विराट कोहली इतलीच गुणवत्ता गोंंयच्या क्रिकेट खेळगड्यांं कडेन आसा. मात तांंचे कडेन आत्मविस्वासाचो उणाव आसा. कर्नाटका सारख्या घटमूट पंंगडा कडेन खेळटना तांंचो आत्मविस्वास डळमळटा. गोंंयच्या क्रिकेट खेळगड्यांं मदीं आत्मविस्वास तयार जावपाची गरज आसा. हाचे खातीर शिबिरां तशेंच मार्गदर्शनाची कार्यावळ सुरू जातली अशें रोहन गांवस देसाय हांणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
