भांगरभूंय | प्रतिनिधी
जिनो ड्रॅगन्साक पांच विकेटींनी हारोवन कुडचडें वॉरियर्सान सांगें क्रिकेटर्स टी-20 क्रिकेट सर्त जिखली. मॅच कुडचडेंच्या साग मैदानाचेर जाली.
ह्या जैतान कुडचडें वॉरियर्साक एक लाखाचें इनाम फावो जालें, जाल्यार जिनो ड्रॅगन्साक 50 हजाराचेर समाधान मानचें पडलें. इनामां भेटवण सुवाळ्याक गोंय क्रिकेट असोसिएशनाचे सचीव रोहन गांवस देसाय मुखेल सोयरे म्हणून उपस्थीत आशिल्ले.
थोडे भितर धांवतकटोः डिनो ड्रॅगन्स, 20 ओव्हरींनी 8 बाद 151 धांवड्यो, (योगेश कवठणकार 45, हर्षद गडेकार 22, शैलेश मिस्कीन आनी राहुल केणी दरेकी 17 धांवड्यो, तुषार सावंत 2-18, चंद्रेश देसाय 2-26, संजय नायक 2-27, सोमेश प्रभुदेसाय 1-27) हार आड कुडचडें वॉरियर्स, 19.1 ओव्हरींनी 5 बाद 155 धांवड्यो (विकास देसाय 54, सोमेश प्रभुदेसाय नाबाद 51, दीपराज गांवकार 23, रुपेश आजगांवकार, शैलेश मिस्कीन आनी हर्षद गडेकार दरेकी 1 विकेट).
वैयक्तीक इनामांः विकास देसाय (फायनलींतलो खेळगडो आनी सर्तींतलो खेळगडो), सोमेश प्रभुदेसाय (कुडचडें वॉरियर्स, उत्कृश्ट बॅट्समन), सागर उदेशी (जिनो ड्रॅगन्स, उत्कृश्ट बॉलर).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
