भांगरभूंय | प्रतिनिधी
पणजी : कुडचडेंचें लैंगीक शोशण प्रकरणांत अटक केल्ल्या २० वर्सां पिरायेचो सोहम नायक नेण्टे पिरायेचो आसतनाच ह्या प्रकरणांत गुंथिल्लो, अशें तपासांत मुखार आयलां. सोहम आनी कांय पिडेस्तूय त्या वेळार नेण्ट्यो आशिल्ल्यो. वट्ट संवेदनशील जाल्ल्या ह्या प्रकरणांत सध्या नवी नवी म्हायती मुखार येता.
ह्या प्रकरणांत आनीक तीन चलयांच्यो जबान्यो नोंद करपाक तपास अधिकारी यत्न करतात. कागाळ करपी पिडेस्तांचो आंकडो पांच जाला. सोहम नायकाच्या आड आतां मेरेन ४ एफआयआर नोंद केल्यात.
काल सोहम नायकाक न्यायालया वतीन आनीक ४ दिसांची पुलीस कोठी मेळ्ळे उपरांत क्रायम ब्रांच हे विशीं खोलायेन तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
