भांगरभूंय | प्रतिनिधी
पणजी : कुडचडें लैंगीक अत्याचार प्रकरणांत क्रायम ब्रांचान आयज दुबावीत सोहम नायकाच्या घराचो तपास केलो. क्रायम ब्रांचाचो पंगड वाहनां घेवन दुबाविताच्या घरा पावलो आनी उपरांत घराचो तपास केलो.
क्रायम ब्रांचाचे निरीक्षक परेश नायक हांचे सयत हेरांचोय ह्या पंगडांत आसपाव आशिल्लो. कुडचडेंच्या लैंगीक अत्याचार प्रकरणांत ह्यान पयलींच सोहम नायक हाका अटक करून बंदखणींत घाला. हे विशीं आतां खोलायेन तपास सुरू आसा.
हे विशीं कांय म्हत्वाचो पुरावो सोदपा खातीर पंगडान घराचो तपास केलो. दुबावितान चलयांचें लैंगीक शोशण करून तांचे अश्लील व्हिडियो काडिल्ल्याचें कागाळींत मुखार आयलां. हेच फाटभूंयेर तपास करपा खातीर क्रायम ब्रांचच्या पंगडान ताच्या घराची झडती घेवपाक सुरवात केल्ल्याची म्हायती सुत्रांनी दिली.
मजगतीं, दुबावितान सुमार २० तरणाट्या चलयांक मोगाच्या जाळ्यांत घुस्पोवन तांचेर लैंगीक अत्त्याचार केल्ल्याचो भंय उक्तायला. हातूंत नेण्ट्या चलयांचोय आसपाव आसा. ह्या प्रकरणाचो खोलायेन तपास सध्या क्रायम ब्रांच करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
