भांगरभूंय | प्रतिनिधी
कुडचडे: कुडचडेंच्या जीसुडा मार्केटांत भिरांकूळ उजो लागलो. ह्या उज्यांत रस्त्या कुशीक आशिल्ल्या विक्रेत्यांची सुमार 22 दुकानां (स्टॉल्स) लासून गोबर जाली. सुदैवान हे घडणुकेंत कोणाक दुखापत जावंक ना. ही घडणूक आयतारा, 19 तारखेर घडली.
उज्या विशीं म्हायती मेळ्ळे बरोबर उजो पालोवपी दळाचे कर्मचारी थंय पावले. त्याच वेळार लागसारुच नरकासूर करपी थळाव्या तरणाटेय थंय धांवले. उजो पालोवपी दळाचे जवान आनी तरणाट्यांच्या मजतीन उजो नियंत्रणांत हाडलो. हाका लागून जीवीतहानी जावपी पसून वाटावली.
हे घडणूकेत जीवीतहानी जावंक नासली तरी 22 विक्रेत्यांक व्हड लुकसाण जालें. उज्याचें कारण अजून कळूंक ना. पुलिसांनी ह्या प्रकरणाची फुडली चवकशी सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
