भांगरभूंय | प्रतिनिधी
भांगरभूंय । प्रतिनिधी
पोरणे गोंयः रिव्होल्युशनरी गोवन्स पक्षाचो फुडारी अजय खोलकार हाणे कुडका पंचायत मंडळाच्या सरपंचाक अपात्र थारावपा खातीर पंचायत प्रशासन संचालकाक याचिका सादर केल्या. ग्रामसभा घेवप ना तशेंच सरपंच म्हणून जी कामां करपाची आसात ताचे कडेन आड नदर चलिल्ल्यान सरपंच म्हणून काम करपाक तो लायक ना अशें खोलकारान आपले याचिकेंत नमूद केलां.
पोरूं 20 नोव्हेंबराक तहकूब केल्ली ग्रामसभा सरपंचान अजून घेवंक ना. सर्वसादारण ग्रामसभा जानेवारी आनी एप्रील म्हयन्याक घेवपाक जाय आशिल्ली. तिसवाडीच्या बीडीओन फेब्रुवारी आनी मे म्हयन्यांत व्हो ग्रामसभा घेवपाचो आदेश दिल्लो. ताका सरपंचान पाळो दिलो ना. पंचायतराज कायद्याचें सरपंचान उल्लंघन चलयल्ल्या ताका सरपंच म्हणून बेगोबेग अपात्र थारावचो अशी मागणी खोलकारान केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
