भांगरभूंय | प्रतिनिधी
भांगरभूंय । प्रतिनिधी
म्हापशेंः भारतीय टेलिकॉम रेग्युलेटरी प्राधिकरणाचे अधिकारी आशिल्ल्याचें सागून आनी मालाड- मुबय पुलीस स्टेशनांत गुन्यांन नोंद आशिल्ल्याचें सागून कुडका- बांबोळी हागचे एके व्यक्तीक 70 लाख रुपयांक लुटपाचो प्रकार घडलो. ह्या प्रकरणांत एका मोबायलधारका आड सायबर गुन्यांव विभागांत गुन्यांव नोंद केला.
व्हो प्रकार 26 जानेवारी तें 3 फेब्रुवारी मजगतीं घडलो. फिर्यादी एम श्रीधर हाणे ते संबंदी कागाळ केल्या. दुबावितांनी श्रीधर हाचे कडेन संपर्क सादून ते भारतीय टेलिकॉम रेग्युलेटरी प्राधिकरणाचे अधिकारी आशिल्ल्याचें सांगलें. तुमच्या आधारकार्डाचो वापर करून तशेंच मोबायल नंबरा वयल्यान जायत्या जाणांची जायरातीच्या माध्यमांतल्यान फटवणूक चल्ल्या अशें ताका सागून तुमच्या आड मुंबय क्रायम ब्रांच आनी मालाड पुलीस स्टेशनांत गुन्यांव नोंद जाल्या अशें सांगलें. मुंबय पुलिसाच्या बनावट वळखपत्राचो वापर केला अशेंय सांगलेंय
ह्या गुन्यांवातल्या सोडोयतां अशें सांगून श्रीधर हाचे कडल्यान 70 लाख रुपये ताच्या बँक खात्यांतल्यान घेतली. आपली फटवणूक जाल्ल्याचें लक्षांत येतगीर ताणे सायबर गुन्यांव विभागांत कागाळ केली. पुलिसांनी आयपीसीच्या 419, 420 आनी आयटी कायद्या खाला गुन्यांव नोंद केला. पुलीस निरीक्षक सतीश पडवळकार फुडली चवकशी करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
