भांगरभूंय | प्रतिनिधी
भांगभूंय । प्रतिनिधी
कुठ्ठाळीः कुठ्ठाळेच्या सेंज जोसेफ वाझ कॉलेजाच्या वनस्पतशास्त्र विभागान फाटल्या शेनवारा पान रंगोवप, पान कोरीव काम करप, पान मेहेंडी आनी पानांचें क्राफ्ट करप ह्या सारक्या वेगवेगळ्या विशयांचेर पान कला सर्त घडोवन हाडली. विद्यार्थ्यांनी आपल्या प्रतिभेच्या आदारान आपली सृजनशीलताय आनी विचार उक्तायले.
ह्या स्पर्तीचें परिक्षण गणितांतली सहाय्यक प्राध्यापिका व्हियोना कुरय्या आनी कॉलेजीची सल्लागार अरोमा डिनिझ हांणी केले. ह्या कार्यावळीक लागून विद्यार्थ्यांक प्रयोगांतल्यान सृजनशील आत्मविस्वास तयार करपाक मदत जाली.
लीफ क्राफ्टिंग सर्तीचें पयलें इनाम श्रृती नायक आनी ईशा गोम्स (बी.एससी दुसरें वर्स), दुसरें इनाम खुशनुमा बेग आनी तन्वी परब (बी एससी दुसरें वर्स) हांका फावो जालें. लीफ पेंटिंग सर्ती खातीर इनाम मेळोवप: पयलें इनाम: कोमल घांची आनी संजना शर्मा (बी एससी पयलें वर्स) दुसरें इनाम: तनिशा मंगेशकार आनी तेजस्विनी लामणी (बी एससी पयलें वर्स) आनी उमेद वाडोवपी इनाम- वरद परब आनी उमेश गनी ( बी एससी, पयलें वर्स)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
