भांगरभूंय | प्रतिनिधी
15 दिसांची मुजत; 1.44 चौ. मि. जमनीर अतिक्रमण
भांगरभूंय । प्रतिनिधी
म्हापशें: खडपावाडो कुचेली कोमुनिदादीचे 1.44 चौखण मिटर जमनीर बेकायदो घरां बांदिल्ल्यांक उत्तर गोंय कोनुनिदाद प्रशासक पांडुरंग गाड हांणी कारणां दाखयात नोटीस जारी केल्या. हे सुमार देड लाख चौखण मिटर जमनीर 150 ते 200 घरां बांदल्यांत.
म्हापशें शार पीटी शीट नं. 1, चलता नं. 10/3 तले 53,325 चौखण मिटर आनी पीटी शीट नं. 2, चलता नं. 11/1 तले 90,800 चौखम मिटर अश्या वट्ट 1 लाख 44 हजार 125 चौखण मिटर कुचेली कोमुनिदादचे जमनीर कायदो मोडून बेकायदो बांदकामां केल्यांत, अशें दिसून आयलां.
ते प्रमाण, उत्तर गोंय कोमुनिदाद प्रशासकान थंय बेकायदो बांदकाम केल्ल्या सगळय्क कारणां दाखयात नोटीस जारी केल्या. संबंदितांचेर कारवाय कित्याक करची न्हय, हाचें लेखी स्पश्टीकरण 15 दिसां भितर प्रशासक कार्यालयांत सादर करचें, अशें म्हणलां.
ही नोटीस 15 नोव्हेंबराक जारी केल्या. संबंदितांनी अतिक्रमण करून हे जमनीर घरां बांदल्यांत. जर दिल्ले मुजतींत जाप दिवपाक जालीं नाजाल्यार प्रकरण एकतर्फी थारावन फुडली कार्यवाय करतले, अशे निर्देस लेगीत कोमुनिदाद प्रशासक पांडुरंग गाड हांणी दिल्यात. मजगतीं, वयलें पीटशीट आनी चला नंबरांतली 30,187 चौखण मिटर जमीन सरकारान सर्वधर्मियांचे मसुंडे खातीर संपादीत केल्ली. 12 आनी 13 नोव्हेंबराक हे जमनी वयलीं बेकायदो 36 तलीं 32 घरां उपजिल्होधिकाऱ्यान मातये भरवण केल्लीं. जाल्यार 4 घर धनयांक तांचीं बांदकामां स्वता जावन मोडपाचे निर्देश उच्च न्यायालयान दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
