भांगरभूंय | प्रतिनिधी
भांगरभूंय । प्रतिनिधी
म्हापशेंः कुचेली- म्हापशें हांगा उक्त्या मैदानार शिवसेना राज्य मुखेली जितेश कामत हांणी आपल्या खर्चांत दुरुस्त केल्ल्या बँडमिंटन कोर्टाचें उक्तावण कुचेलींतलो ज्येश्ठ फुटबॉल खेळगडो नेपोलियन डिकॉस्ता हाचे हस्तुकीं उक्तावण केलें.
ह्या कोर्टार जाळी बांदपाक खांबे नाशिल्ले. फ्लोरिंग पुराय इबाडल्लें. उक्तावणा वेळार खेळगड्यांक कीट दिलीं. ह्या वेळार नरेश विर्नोडकार, नवथान कोरगांवकार, अमीत बांदेकार, जॉनी डिसोझा, विजय घाणेकार, सादिक सय्यद, समीर हाजीर आशिल्लो. पेडें मैदानार इनडोअर बॅडमिंटन कोर्ट आसा. मात तें सदांच वापरांत आसता. ताका लागून हेर खेळगड्यांक खेळपाक मेळनाशिल्लें. ते खातीर जितेश कामत हाणे सारकें नाशिल्लें कोर्ट सारकें करून दिवपाचें काम केलें.
हौस म्हणून खेळतल्यांक उक्ते सुवातेर बॅडमिंटन खेळपाक मेळचें म्हणून हें कोर्ट सारकें केलें. इनडोअर स्टेडियमांत पयशे खर्च करून भुरग्यांक धाडपाक पालकांक जमना. ताचे खातीर ह्या कोर्टाचो उपेग जातलो अशें जितेश कामत हांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
