भांगरभूंय | प्रतिनिधी
भांगरभूंय । खबरां मेज
पणजीः कुंडय भौशीक गणेशोत्सव मंडळ समिती वतीन 19 तें 28 सप्टेंबर मजगतीं तरेकवार कार्यावळी आयोजीत केल्यात. 20 सप्टेंबराक सकाळी 9 वरांचेर फोडें तालुको मर्यादीत बुद्धिबळ सर्त आयोजीत केल्या. 21 सप्टेंबराक सांजे 6 वरांचेर श्री साईनाथ बाल भजनी मंडळ, माडाभाट, भोम हांची भक्तिगीतांची कार्यावळ जातली.
22 सप्टेंबराक सांजे 5 वरांचेर फोडें तालुको मर्यदीत फॅन्सी ड्रेस सर्त, सांजे 7 वरांचेर श्रीजा फडते आनी दिव्या मावजेकार आनी वांगड्याची स्वरगंधा ही कार्यावळ जातली. 24 सप्टेबराक सांजे 6 वरांचेर कुडंय गांवातल्या 10वी आनी 12वे परिक्षेंत 70 टक्के गुण मेळोवन पास जाल्ल्या विद्यार्थ्यांचो भोवमान करतले उपरांत रातयां 8 वरांचेर स्टारयार व्हो ऑर्केस्ट्रा जातलो.
सोमार 25 सप्टेंबराक सांजे 7 वरांचेर नटसम्राट ह्या नाटकाचो प्रयोग जातलो. 26 सप्टेंबराक सांजे 7 वरांचेर मराठी विनोद नृत्याटक “दगडू सावधान” व्हो प्रयोग जातलो, गणपतीच्या 9व्या दिसा धर्मीक विधीआनी दनपारां 1 वरांचेर म्हाप्रसाद जातलो. सांजे 4 वरांचेर थळाव्या कलाकारांची भजनी कार्यावळ आनी सांजे 7 वरांचेर “छिन्नमस्ता ” व्हो दशावतारी नाट्य प्रयोग जातलो.
28 सप्टेंबराक सकाळी धर्मीक विधी दनपारां 1 वरांचेर उत्तरपूजा आरती आनी पावणी जातली. सांजे 3 वरांचेर देणगी कुपन निकाल आनी 4 वरांचेर गणपती विसर्जन मिरवणूक सुरू जातली. भाविकांनी व्हडा संख्येन गणपती उत्सवाक हाजीर रावचें अशें गणेश मंडळान मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
