भांगरभूंय | प्रतिनिधी
मडगांव : कुंकळ्ळे सकाळच्या वेळार एका अनवळखी वाहनान चलत वतल्या एका मनशाक धपको दिवन घडणुके सुवातेवेल्यान पळ काडलो. ह्या अपघातांत जखमी संतोष नायक (३३, रा. पायराबांध, कुंकळ्ळें) हाका जाग्यारूच मरण आयलें. हे विशीं कुंकळ्ळेंचे पुलीस तपास करतात.
हे विशीं चड म्हायती प्रमाण, सोमारा सकाळीं एका अनवळखी वाहनान संतोष नायक हाका धपको दिलो. ते मॉर्नींग वॉका खातीर घरांतल्यान भायर सरिल्ले. रस्त्या वेल्यान चलतना अचकीत फाटल्यानच्यान येवपी गाडयेन तांकां धपको दिलो. संतोष हे जखमी अवस्थेंत पडून आशिल्ले. हातूंतच तांकां मरण आयलें.
नागरिकांनी पुलिसांक हे विशीं म्हायती दिले उपरांत तांणी येवन पंचनामो केलो. पुलीस ह्या मार्गावेल्यो सिसीटीव्ही फुटेज पळोवन गाडयेचो सोद घेतात. उपरांत थळाव्यांनी हो रस्तो अशीर आशिल्ल्यान हांगा परत परत अपघाताच्यो घडणुको घडटात. हांगा बायपास उबारचो अशी मागणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
