भांगरभूंय | प्रतिनिधी
घर धनयां कडल्यान वर्सुकी 200 रुपया कोयर शुल्क घेवपाचो थाराव
भांगरभूंय । प्रतिनिधी
फोंडें: वेलींग- प्रियोळ पंचायतींतल्या कुंकळ्ये गांवांतल्या सर्वे नं. 27 आनी 28 त जावपी मेगा प्रकल्पाक थळाव्या लोकांनी खर विरोध केला. तशेंच पंचायत वाठारांतल्या दरेका घर धनया कडल्यान दरवर्सा 200 रुपया कोयर शुल्क घेवपाचो थाराव ग्रामसभेंत घेतलो.
कुंकळ्ये गांवांतल्या बागायती जमनींचेर प्लॉट केल्ल्यान गांवांतलें सैमीक सौंदर्य आनी रानसंपत नश्ट जालन ताचो पर्यावरणाचेर वरिणाम जातलो. हे खातीर गांवचे लोक मेगा प्रकल्पाक विरोध करतात. आयतारा सरपंच हर्ष गावडे हांचे अध्यक्षते खाला जाल्ले ग्रामसभेंत थळाव्या लोकांनी मेगा प्रकल्पाक विरोध करपाचो थाराव घेतला. मुख्यमंत्री, राज्यपाल, नगरनियोजन मंत्री, थळावो आमदार आनी विवीध खात्याच्या अधिकाऱ्यांनी थळाव्या लोकांनी निवेदनां दिल्यांत. पंचायत वाठारांतलो कोयर एकठांय करचे खातीर दर वर्सा पंचायतीक 20 लाख रुपया खर्च येता. ते खातीर आयतारा जाल्ले ग्रामसभेंत दरेका घर धनया कडल्यान दर वर्सा 200 रुपया कोयर शुल्क घेवपाचो थाराव घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
