भांगरभूंय | प्रतिनिधी
भांगरभूंय । प्रतिनिधी
कुडचडेंः कुडचडे हांगच्या कांतास श्री पुरुसम्हारू भोवउद्देशीय सभाघरांत स्वरतेज समूहा वतीन नामनेचे हिंदी सिने गायक किशोरकुमार हांचे यादस्तीक दुसरी अखील गोंय कारओके हिंदी सिने गीत गायन सर्त आयोजीत केल्या. आयतार 6 ऑगस्टाक दनपारां 3.30 वरांचेर ती सुरू जातली. निमणे फेरये खातीर वेंचून काडल्ल्या सर्तकांक दनपारां 3 वरांचेर सर्तीचे सुवातेर हाजीर रावचें पडटलें.
सर्त सगल्यां खातीर उक्ती आसतली. पिरायेची अट ना. सर्ती खातीर 5 हजार, 3 हजार आनी 2 हजार रुपये अशी पयलीं तीन इनामां दवोरल्यात. दरेकी 1 हजार रुपयांची तीन उमेद वाडोवपी इनामां दितले. निमणे फेरयेक पात्र थारल्ल्ला सर्तकांक यादस्तिकां दितले. निमणे फेरये खातीर सर्तकांक वेचून काडपा खातीर आयतार 30 जुलयाक सकाळीं 9 ते दनपारां 1 मजगतीं चांचणी सर्त घेतले. तातूंत प्रवेश घेवपा खातीर 100 रुपये फी आसा. चांचणी सर्तीच्या दिसा हॉलांत प्रवेश पत्रिका मेळटल्यो. चडावत म्हायती खातीर संदीप नायक (9822126313) वा सुनील नायक (9373210655) हांचे कडेन संपर्क सादचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
