भांगरभूंय | प्रतिनिधी
आतां स्मार्टफोना बरोबरच मोबायल अॅप लेगीत खूब उच्च तंत्रज्ञानाचे जाल्यात. अपग्रेड केल्ल्या खाशेलपणां सयत नवीन येवपी अॅप आमचीं दिसपट्टीं कामां सोंपी करपाक मजत करतात. असोच एक ‘Insect food scanner’ नांवाचो मोबायल अॅप आसा, जो जेवणांत किडे आसात काय ना तें सोदून काडपाक आमकां मजत करता.
किराणां म्हाल विकत घेतना तांतूत किडे आसात काय कितें असो प्रस्न तुमकां पडटा आसतलो. देखून आतां एक नवीन अॅप आयला जो रोखडेच स्कॅन करुन तुमकां ही म्हायती दिवंक शकता. हो अॅप खूब अभिनव आसा, जो किराणां विकत घेतना स्कॅन करून ताचो दर्जो आनी सुरक्षीततायेची म्हायती दिवपाक मजत करतलो.
मायक्रोब्लॉगिंग प्लॅटफॉर्माचेर एक व्हिडियो शेअर केल्लो जांतूत हो अॅप किराणा खरेदीचो अणभव वाडयताच, पूण गिरायकांक भलायकेक बरो आनी सुरक्षीत म्हाल निवड करपाकय मजत करता.
एक्स (ट्विटर) वापरप्यां कडल्यान ह्या व्हिडियोक बरो प्रतिसाद मेळ्ळा, जायत्या वापरप्यांनी ह्या अॅपाचो खरोच फायदो जाला अशें सांगलां. कांय वापरप्यांक हो अॅप इंग्लीशींत वापरपाचो आसा अशें सांगतात जाल्यार कांय जाण किराणां घेवपाक अॅप स्टोरांत व्हरतले अशें सांगतात. ह्या मोबायल अॅपाक खूब बरो प्रतिसाद मेळटा म्हळ्यार हो अॅप खऱ्यांनीच वापरप्यांचे प्रस्न सोडोवपाक मजत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
