भांगरभूंय | प्रतिनिधी
भांगरभूंय । खबरां मेज
पणजीः भारतीय वस्रोद्यागाचो कथा आनी तांतूंत वापरल्ल्या शाश्वत पद्दतीचें म्हत्व आतां ल्हान भुरग्यांक तांच्या पुस्तकांत वाचपाक मेळटले. ‘कियान और कापस बॉल’’ हें ह्या पुस्तकाचें नांव आसा. ब्रिटनांतल्या लीड्स विद्यापीठ आनी गोंय इन्स्टिटयूट ऑफ मॅनेजमेंट (जीआयएम) हांचे मदल्या आंतरराष्ट्रीय सहकार्यांतल्यान हें पुस्तक प्रकाशीत केलां.
ह्या सचित्र पुस्तकाचें प्रकाशन मुख्यमंत्री डॉ प्रमोद सावंत हांचे हस्तुकीं केलें. जीआयएमचाचें संचालक अजीत परुळेकार हाचें हाजेरेंत संस्थेच्या कॅम्पसात ह्या पुस्काकाची प्रकाशन कार्यावळ आयोजीत केल्ली.’कियान और कापस बॉल’’ हो मूळ ‘कास अँड कॉटन’ ह्या पुस्तकाचो अणकार आसा. जो पयलीं लीड्स विद्यापिठाच्या पालवान जीआयएमच्या जोड संशोधन प्रकल्प ‘कॉटन हिडन वोइसिसचो एक वांटो म्हणून प्रकाशीत केल्लो.
हें पुस्तक कापड आनी कपड्याच्या गुंतागुंतीचो प्रवास आनी आकर्शक कथा- चलीत पद्दतीन मांडला. तरणाट्या मनांक सशक्त करपाचें कपड्याविशीं जापसालदारीचें प्रबोधन करपाचें एक साधन म्हणून लेगीत काम करता अशें बी-स्कूलाची प्राध्यापक डॉ दिव्या सिंघल हिणे सांगलें. पुस्तक प्रकाशना खातीर डॉ अजीत परुळेकारा आनी दिव्या सिंघल हांका मुख्यमंत्री डॉ सावंत हाणी परबीं भेटयलीं.
कॉटन हिडन व्हॉइसेस’ प्रकल्पाचो हेत भारतांतल्या कापड कामगार आनी ब्रिटनांतले गिरायक हांचे मदलें अंतर पयस करप तशेंच भुगोलीक आनी सांस्कृतीक आडमेळे हुपप तशेंच ह्या उपक्रमान कपडे तयार करपाची जापसालदारी आशिल्ल्या व्यक्तीविशीं जागरुकताचेची वळख आनी तांच्या शाश्वते विशीं म्हत्व सांगपाचो एक यत्न आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
