भांगरभूंय | प्रतिनिधी
भारताच्या किदाम्बी श्रीकांतान आशियायी खेळांत दादल्यांच्या एकोडे बॅडमिंटन सर्तीतले आपले पयले मॅचींत व्हिएतनामाच्या ले डूक फाट हाका 21-10 आनी 21-9 अशा सरळ गेमींनी हारयलो. श्रीकांतान फकत 29 मिनटांनी मॅच आपल्या नांवार केली.
श्रीकांतान कांय जबरदस्त स्मॅश आनी नेट प्ले वरवीं पयली गेम 21-10 फरकान जिखली. फाट हाणें दुसरे गेमींत सुरवातीक कांय गूण मेळयले. पूण, श्रीकांतान ताका 11-7 असो फाटीं घालो आनी अखेरेक दुसरी गेम 21-9 जिखून फुडले फेरयेंत सुवात मेळयली.
मजगतीं, साई प्रतिक आनी तनिषा क्रास्टो हे जोडयेन मिश्र गटाचे फुडले फेरयेंत सुवात मेळयली. तांणी चीनाचे इओक चोंग लिओंग आनी एनजी वेंग ची हे जोडयेक 21-18 आनी 21-14 अशा फरकान हारयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
