भांगरभूंय | प्रतिनिधी
किडनी स्टोन जाता तेन्ना जायते जाण म्हणटात, बियर पियेल्यार ते विरगळून वतात. पूण हातूंत कितलें सत्य आसा वा ताचो तुमचे भलायकेचेर कसो आनी कितें परिणाम जातलो तें तुमकां खबर आसा? जर तुमी लोकां कडल्यान आयकलां वा दुसर्याक अशें करतना पळयलां जाल्यार तें बरोबर काय चुकीचें हाचेर पयलीं दोतोराचो सल्लो घेवचो. किडनी स्टोन जाल्यार बियर पियेल्यार तुमचे भलायकेचेर कसो परिणाम जावं येता तें डॉ प्रियदर्शी रंजन हांचे कडल्यान जाणून घेवया.
किडनीस्टोना खातीर बियर पियेवप योग्य?
तुमकां जर सेगीत किडनी स्टोन जातात वा पयलींच किडनी स्टोन जाल्लो आसा, जाल्यार लोक चड करून सांगतात, बियर पियेल्यार किडनी स्टोन पडपाक मजत जाता. देखून अश्या दुयेंतींक भरपूर बियर पियेवंक जाय. मात हें खरें? हे विशीं तज्ञ म्हणटात, बिअर एक सैमीक तरेन मुताचें प्रमाण वाडयता, म्हणल्यार बियर मुतपाचें प्रमाण वाडयता आनी ल्हान फातर भायर काडटात.
बिअरींत प्युरिन आसतात, हाका लागून युरीक ऍसिडाची पातळी वाडपाक शकता. अल्कोहोल सुरवातेक शरीराक हायड्रेट करता, मात उपरांत तें शरीराक डिहायड्रेट करता, मुतपाक केंद्रीत करता आनी भितर फातर तयार करपाक योग्य वातावरण तयार करता. बिअर मुत्रपिंड आनी लिवराचेरूय ताण घालता आनी वेसनाक कारण थारपाक शकता. बिअर हो किडनी स्टोनाचेर उपचार न्हय. हें एक सामान्य पेय, जें डॉ. प्रियदर्शी किडनी स्टोना खातीर पिवची म्हूण अजिबात शिफारस करिनात.
तुमी बिअरी बदला हेर सुरक्षीत पर्याय वापरून पळोवपाक शकता. जशे लिंबाचें उदक, बार्ली वॉटर, तुळशीचो रस वा आडसराचें उदक. हें अदीक सैमीक आनी शरीरा खातीर अनुकूल आसात आनी खंयच्याय वायट परिणामां बगर तुमचे किडनीक आधार दितात. सगल्यांत बरें भरपूर उदक पियेवप.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
