भांगरभूंय | प्रतिनिधी
नवी दिल्ली, खबरां संस्था ः आधुनीक काळांत बदलिल्ले जिणे पद्दतीक लागून जायत्या जाणांक जायते भलायकेचे त्रास जातात. उदक उणें पियेवप, जंक फूड खावप आनी कुडींत युरिक अॅसिड वा खनिजांचें असंतुलन वाडिल्ल्यान किडनी स्टोन म्हणल्यार मुतखड्याची समस्या वाडल्या. वायट जेवणाक लागून कॅल्शियम, ऑक्सालेट वा युरिक अॅसिड क्रिस्टल्स किडनी वा मुत्राशयांत सांठून फातर तयार जातात. हे फातर ल्हान आसल्यार तें मुता वांगडा भायर पडटात. पूण तेच व्हड आसल्यार खर दुखप, मुतप बंद जावप आनी संसर्ग जाता. हाचेर पतंजलीचें अश्मरीहर क्वाथ हें एक रामबाण वखद म्हूण वळखतात.
किडनी स्टोनाक लागून फकत दुखपच न्हय तर कुडीच्या कार्याचेरूय परिणाम जाता. तशेंच मुतप बंद जाता आनी ताका लागून मूत्रपिंडांचेर दाब वाडटा आनी लुकसाण जाता. ही समस्या चड काळ तिगून उरल्यार मुत्रपिंडांक लुकसाण जावं येता वा मुत्राशयाच्या स्नायूंचेर परिणाम जावंक शकता. हाका लागून खर दुखप, ओंकारी, मळमळ आनी दुबळेपण येवंक शकता. देखून वेळार आनी योग्य उपचार घेवप खूब गरजेचें.
साबार वनस्पतींचो वापर
पतंजलीचें अश्मरीहर क्वाथ हें आयुर्वेदीक वखद खास करून मुत्रपिंडांतले फातर, मुत्राशयांतले फातर आनी मुताच्या समस्यां खातीर तयार केल्लें आसा. तातूंत गोक्षूरा, पाशाणभेद, वरुण आनी पुनर्नवा अशा साबार वनस्पतींचो वापर केलां. ह्या सगळ्यांत किडनी स्टोन, दाह उणो करपी आनी कुडींतले विखारी पदार्थ काडून उडोवपी गूणधर्म आसात. गोक्षुरा मुताचें शुध्दीकरण करता, मुताचो प्रवाह वाडयता आनी फातर काडपाक मजत करता. पाशाणभेद ही वनस्पत ल्हव ल्हव फातर विरगळपाक आनी काडपाक मजत करता. वरुण वनस्पतीची साल जळजळ उणे करता आनी संसर्ग जावंक दिना. पुनर्नवा वनस्पत कुडींतल्यान अतिरिक्त उदक आनी विखारी पदार्थ काडून उडोवपाकय मजत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
