भांगरभूंय | प्रतिनिधी
पेडणें: कासारवर्णें, पेडण्यां १० तारखेर रातच्या सुमार सवाय णव वरांचेर एम एच झिरो ४ एफ एफ ३४ ४७ हें मोटार कासारवर्णें ते नागझर वतालें. ताचे विरुद्ध दिकेन जीए ११ जे २६२९ हे दुचाकीवेल्यान सुहास मधुकर नारुलकार (४५) हो आपल्या घरा वतालो. तेन्ना मोटारीन चुकीचे वटेन येवन सुहास हाचे दुचाकीक धपको दिलो. हातूंत तो जखमी जालो. हॉस्पिटलांत व्हरतना ताका वाटेरूच मरण आयलें. महिंद्रा झायलोचे चालक विशाल गणेश नायक (२३, मुंबय) हाका मोपा पुलिसांनी अटक केली.
ही गाडी कासारवर्णें ते नागझरचे दिकेन बरीच वेगान वताली. तेन्ना विरुद्ध दिकेन सुहास हो आपले दुचाकीन घरा वतालो. तेन्ना गायेन धपको दिल्ल्यान तो गंभीर जखमी जालो. ह्या अपघाताची म्हायती मोपा पुलीस स्टेशनाक कळटांच तांणी घडणुकेचो पंचनामो केलो. गाडी चालक विशालाक अटक केली.
सुहास नारुलकार हो संत सोहिरोबानाथ आंबिये कॉलेजींत चालक म्हणून काम करतालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
