भांगरभूंय | प्रतिनिधी
भांगरभूंय । प्रतिनिधी
काणकोणः आगोंदा हांगच्या कासव संवर्धन केंद्राचें स्थलांतरण करपाच्या मागणे वयल्यान रानां अधिकाऱ्या सामकार दोन गटांत बाचाबाची जाली. मात जैव विविधताय वेवस्थापन समितीच्या वांगड्यांनी हस्तक्षेप केल्ल्यान वायट प्रकार घडलो ना.
आगोंदचे कासव संवर्धन केंद स्थलांतरीत करपाच्या आगोंद पंचायत आनी आगोंद पेरीशा वतीन सादर केल्ल्या निवेदनाची दखल घेवंन रानां अधिकारी राजेश नायक आनी प्रकल्प अधिकार नॅस्टर फर्नांडीस फॉरेस्ट गार्डां सयत बुधवारा ह्या केंद्राची पळोवणी केली तेन्ना व्हो प्रकार जालो. ह्या वेळार सरपंच प्रिटल फर्नांडीस, जैव विविधता वेवस्थापन समिती अध्यक्ष शाबा गांवकार, वांगडी नारायण देसाय, संजीत नायक गांवकार, प्रकाश फळदेसाय, उपसरपंच कैनिशा फर्नांडीस, पंच वांगडी रामनाथ वेळीप, जॉन फर्नांडिस, करुणा फळदेसाय, फातिमा रॉड्रिग्ज, नीलेश पागी, आगोंद पेरीशाचो भांडारी खजि फ्रँकी फर्नांडीस, मुख्यत्यार ब्राजो
फर्नांडीस, आग्नेल फर्नांडीस, रूपा पागी, टिपू पागी, इस्तेव फर्नांडीस, किशोर फळदेसाय, स्टिवी रॉड्रिक्स हाजीर आशिल्ले.
कासव संवर्धन केंद्र तात्पुरत्या स्वरुपाचे आशिल्ल्यान संरक्षीत दर्या देगेर तें खंयूय उबारपाक जाता. ते संबंदी वरिश्ठ अधिकारी निर्णय घेतले अशें राजेश नायकान स्पश्ट केले. ह्या वेळार आदलो पंच वांगडी आग्नेलो फर्नांडीस आनी ताचे समर्थक तशेंच टिपू पागी आनी ताच्या समर्थकां मदी बाचाबाची जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
