भांगरभूंय | प्रतिनिधी
सरपंचपदाचेर नवनाथ नायक, उपसरपंचपदाचेर साक्षी नायक
भांगरभूंय । प्रतिनिधी
पेडणें: कासारवर्णेंच्या सरपंचपदाचेर नवनाथ नायक हांची बिनविरोध निवड जाली. उपसरपंचपदाचेर साक्षी नायक हांचीय बिनविरोध निवड जाली.
पांच वांगडी आशिल्ले पंचायतीच्या सरपंच आनी उपसरपंच पदा खातीर 21 डिसेंबराक वेंचणूक घेतिल्ली. ह्या वेळार हेर पंच वृषाली गाड, अवनी गाड आनी सोनम परब हाजीर राविल्ली.
निरिक्षक म्हूण पुरुषोत्तम शेट्ये हांणी काम पळयलें. तांकां पंचायत सचीव पुरुषोत्तम शेट्ये हांणी आदार केलो.
निवड जाल्ले सरपंच आनी उपसरपंच हांकां पेडणेंचे आमदार प्रवीण आर्लेकार हांणी परबीं दिली. गांवचे उदरगती खातीर आनी लोकांच्यो समस्या सोडोवचे खातीर एकवटींत रावून काम करचे. हे पंचायती खातीर आपूण पुराय आदार करतलों. फुडारांत पेडणें मतदारसंघ हो आदर्श मतदारसंघ जातलो. पूण ताका लागून सगळ्या गांवांचो एकवट म्हत्वाचो आसा. ताका लागून आमी सगळ्यांनी मेळून काम करुंया, अशें आमदार आर्लेकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
