भांगरभूंय | प्रतिनिधी
खेळां आनी युवा वेव्हार संचालनालया वतीन घेतिल्ले दिवचल तालुको पांवड्या वयले 17 वर्सां पिराये सकयले चलयांचे कबड्डी सर्तीचें वस्तादपण कासारपालच्या हुतात्मा बाबुली नारायण गांवस मॅमोरियल सरकारी विद्यालयाच्या पंगडान मेळयलें.
सर्त सांखळीच्या खेळां संकुलांत जाली. फायनलींत ताणें पिळगांव आयडीयल हायस्कुलाच्या पंगडाक हारयलो. ते पयलीं जाल्ले सेमी फायनलींत कासरवालच्या विद्यालयान शिवाजीराजे हायस्कुलाक उमळशीक वाडोवपी मॅचींत हारोवन फायनलींतली सुवात निश्चीत केल्ली.
जैतिवंत पंगडांत वेदा गांवस (मुखेली), दीपिका म्हावळिंगकार, साक्षी गांवस, स्नेहल घाडी, प्रियंका पेडणेंकार, कृतिका गांवस, दीक्षिता गांवस, दीक्षिता पिरणकार, वैभवी गड्डी, तन्वी खलप, देवयानी गांवस आनी सीया घाडी हांचो आस्पाव आशिल्लो. पंगडाक देवेंद्र गांवकार आनी अस्मिता देउळकार हांचें मार्गदर्शन लाबलें.
प्रशिक्षक म्हणून सुशांत नायक आनी पुजा पाटील हांणी काम पळयलें. जैतिवंत पंगडाक मुख्याध्यापक सतीश तळकार आनी पालक शिक्षक संघान परबीं भेटयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
