भांगरभूंय | प्रतिनिधी
पुंछ, खबरां संस्था: जम्मू आनी काश्मीरच्या पूंछ नियंत्रण शिमे लागसार (एलओसी) घुसपाचो यत्न करपी दोगां आतंकवाद्यांक लश्करान मारले. अधिकार्यांच्या म्हणण्या प्रमाण, मंगळारा रातीं उसरां शिमेचेर तैनांत आशिल्ल्या सैनिकांक देगवार सेक्टरच्या मालदीवेलन भागांत दुबावी हालचाली दिसल्यो. उपरांत हो फारपेट सुरू जालो. ताका शिवशक्ती अशें नांव दिलें. आतंवाद्यां कडल्यान ३ शस्त्रां आनी हेर सामान जप्त केलें.
फाटल्या दोन दिसां सावन केल्ली ही लश्करांची दुसरी फारपेट. २८ जुलयाक श्रीनगरांतल्या दाचिगाम राष्ट्रीय उद्याना लागसारच्या हरवन वाठारांत सुरक्षा दळांनी तीन पाकिस्तानी दहशतवाद्यांक मारले. पहलगाम हल्ल्याचो मुखेल आरोपी हाशिम मुसा होय तांचे मदीं आशिल्लो.
उरिल्ले दोन आतंकवादी जिब्रान आनी हमजा अफगाणी. २०२४ वर्सा सोनमर्ग बोगदा प्रकल्पाचेर जाल्ल्या हल्ल्यांत जिब्रानचो वाटो आशिल्लो. आतंकवाद्या कडल्यान अमेरिकन एम४ कार्बायन, एके-४७, १७ रायफल आनी ग्रेनेड जप्त केलें. हाका ‘ऑपरेशन महादेव’ अशें नांव दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
