भांगरभूंय | प्रतिनिधी
भांगरभूंय । प्रतिनिधी
काणकोणः काणकोण पालिका वाठारां वांगडाच हेर सुवातांनी आशिल्ल्या कावल अड्ड्यांचेर कारवाक करपाची मागणी काणकोण पालिका मंडळाचो आदलो उपनगराध्यक्ष दिलीप केंकरे हांणे केल्या.
कावलांचे हे अड्डे बेकायदेशीर आसात. थंय प्लास्टिक केबलांक उजो लावन तांतूतल्यो तांब्यांचो सरयो काडटात. प्लास्टिकाक उजो लायिल्ल्यान ताचो वास सोसपाक जायना. अड्ड्यांनी साठोवन दवरल्ल्याा वेगवेगळ्या तरेच्या समानाक लागून वाठाचारी सोबितकान ना जाता. ह्या अड्ड्यांनी चोरयेचो माल विकतो घेतात. ताका लागून उदकाचे पंप, लोखणाचे ग्रील्स आनी हेर सामानांची चोरी जायत आसता. कागाळ केली तरी चोर मेळनात अशें केकरे हाणे सांगलें. थळावो नगरसेवक आनी पालिका मंडळाक आपणे हे विशीं कळोवन कारवाय करपाची मागणी केल्या अशे ताणे सांगलें.
———————————————————————————————————————-
दिवचल उपनगराध्यक्षाची
आयज जातली निवड
भांगरभूंय । प्रतिनिधी
दिवचलः दिवचल पालिका उपनगराध्यक्ष पदा खातीर दोन उमेदवारी अर्ज सादर केल्यात. वेंचणूक प्रक्रिया आयज बुधवारा सकाळीं 11 वरांचेर पालिका संभाघरांत जातली.
दीपा पळ आनी रंजना वांयगणकारा हांणी उमेदवारी अर्ज दाखल केल्या. उपनगराध्यक्ष पद बायलां खातीर राखीव आसा. सुखदा तेलीन राजिनामो दिल्ल्यान हें पद रिकामें जालां. निर्वाचन अधिकारी म्हणून दिवचलचो उपजिल्होधिकारी रोहन कासकार काम पळयलो. उपनगराध्यक्षाची निवड बिनविरोध जाता काय मतदान घेवचें पडयलें हे विशीं उमळशीक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
