भांगरभूंय | प्रतिनिधी
जिमांत वर्कआउट करतना, लग्नांत नाचतना वा माचयेर नाचतना जायत्या जाणांक स्ट्रोक येता. जाल्यार जायत्या जाणांक काळजाच्या आताकाक लागून मरण आयिल्ल्याचें दिसता. पूण हो काळजाचो आताक न्हय तर जायत्या प्रकरणांनी कार्डिअक अरेस्ट आयल्लो आसता. ताका लागून त्या मनशाचें काळीज अचकीत काम करप बंद करता आनी ताका थंयच मरण येता. हाका लोक एक सामान्य गाजाल समजतात. पूण तांचे मदीं फरक आसा. काळजाचो आताक परस कार्डिअक अरेस्ट चड धोक्याचो आसता. कोलेस्टेरॉल आनी उच्च रगतदाबाक लागून काळजाक रगत मेळूंक शकना. पंप करपाक दुप्पट क्षमताय जाय पडटा. अशें स्थितीत काळजाचो आताक येता. तातूंत छातींत खर दुखप, हात सुन्न जावप आदी लक्षणां दिसतात. उपरांत मनशाक हॉस्पिटलांत व्हेल्यार बेगोबेग उपचार करुन ताचो जीव वाटावक मेळटा. पूण कार्डिॲक अरेस्ट जाल्यार काळीज काम करप बंद करता आनी मनशाक मरण येवंक शकता. काळजाचो आताक आयल्यार रोखडेंच सीपीआर दिवन काळजाक जिवीत करून मनशाक हॉस्पिटलांत व्हरूंक मेळटा, पूण त्या मनशाक रोखडेंच सीपीआर मेळूंक ना जाल्यार तो मनीस कार्डिअक अरेस्ट येवन ताका मरण येता.
कार्डिअक अरेस्टचीं लक्षणां…
० कार्डिअक अरेस्ट येवचें पयलीं अचकीत दुयेंतीचे काळीज खूब वेगान जाता आनी ताका स्वास घेवपाक त्रास जाता.
० मेंदवाक आनी कुडीच्या हेर भागांक रगत पावना.
० अचकीत आंग थंड जाता आनी मनीस सकयल पडटा.
कार्डिअक अरेस्ट टाळपाचे मार्ग….
० दर दिसा एक वर चलप.
० वजन वाडोवंक दिव नाकात.
० रगतदाब नियंत्रणांत दवरात.
० भायले खाण आनी जंक फुडांचे सेवन उणे करात.
० पाचवी भाजी आनी पुराय कड्डणां तुमच्या आहारांत आसपावीत करात.
० ताण घेवं नाकात.
० फावो ती न्हीद घेवची.
० नेमान तपासणी करची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
