भांगरभूंय | प्रतिनिधी
मडगांवः कार्नावालाक लागून पर्यटनाक चालना मेळटा तेच बरोबर राज्याच्या येणावळींतय वाड जाता. कार्नावाला लागून गोंयची संस्कृताय आनी दायज संवसारांत पावता अशें मत किंग मोमो सेड्रीक कॉस्ता हांणी उक्तायलें.
अंदूंच्या कार्नावाला खातीर किंग मोमो म्हूण मडगांवच्या सेड्रीक कॉस्ता हांची निवड जाल्या. मिरवणुकेक पर्यटन खात्यान किंग मोमो म्हणून निवड करपा खातीर अर्ज मागयल्ले. हे खातीर स जाणांनी अर्ज सादर केल्ले. बरे उमेदवार आशिल्ल्यान ही निवड करप खूब कठीण आशिल्ले. ही निवड प्रक्रिया पारदर्शकपणान केल्या. पर्यटन खात्यान किंग मोमो खातीर आपली निवड केल्या ही खोशीची गजाल. कार्निवालाक लागून लोकांक उमेदीचे दीस येता. राज्यांत आनी परदेशांतूय हो अंदूंच्या कार्निवाल लोकप्रीय आसा. परदेशांतल्यान पर्यटकूय तो पळोवपाक येतात अशें तांणी सांगलें.
अंदूं पर्यटन खातें दर वर्सा परस वेगळ्या तरेन कार्नावाल मनोवपाचो यत्न करता. तशेंच वेगवेगळ्या विशयांचेर फ्लोट आसतले. हो कार्नावाल लोकांचो उत्सव आसतलो, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
