भांगरभूंय | प्रतिनिधी
भांगरभूंय । प्रतिनिधी
काणकोणः लोलयें- पोळें पंचायत वाठारांत काराय माशें हांगा कांय बिल्डरांनी आनी कंत्राटदारांनी सुरू केल्लें दोंगोर कापपाचें काम निमाणे काणकोणचे नगर नियोजन खात्याचे अधिकारी, काणकोण मामलेदाराचो प्रतिनिधी आशिल्लो तलाठी आनी काणकोणच्या पुलीस पंगडान बंद केलें.
फाटल्या दोन वर्सां सावन हें काम चलिल्लें. अवजड मशिनरी वरवीं दोंगोर कापून टिप्पर ट्रकांनी भरून माती व्हरताले. एक बिगर सरकारी संस्था आनी कांय जागरूक नागरिकांनी ह्या कामा विशीं कागाळी करून लेगीत संबंदीत सरकारी अधिकाऱ्यांच्या हस्तक्षेपा बगर तें चलिल्लें. भरारी पंगडा कडेन कागाळ करून लेगीत ते हे विशीं कांयच करनाशिल्ले. निमाणे नगर नियोजन खात्याक ह्या कामाची दखल घेवंन तें बंद करचें पडलें.
दोंगर कापपाचें हें कामय बेकायदेशीरपणान चलिल्लें हें भरारी पगंडाक दिसून आयलें. दोंगोर कापपा खातीर वापरल्ली मशिनरी आनी ट्रक जप्त केल्यात काय ना हे विशींची म्हायती मेळपाक शकली ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
