भांगरभूंय | प्रतिनिधी
पणजी: कारापूर सांखळेच्या श्रीशांतादुर्गा देवीचीं वर्सुकी दिवजां शेनवार 16 आनी आयतार 17 डिसेंबर दिसा विवीध धर्मीक आनी सांस्कृतीक कार्यावळींनी मनयतले.
16 वेर सकाळीं 8 वरां सावन विवीध धर्मीक विधी. सवायशिणीं वतीन कुळा कुशीक सामुहीक दिवजांची कार्यावळ रातच्या 8 वरांचेर सुरू जातली अशें देवस्थान समितीन कळीत केलां. पयसुल्ल्यान येवपी सवायशिणींनी हाची नोंद घेवची अशी विनंती केल्या.
रातच्या 9 वरां सावन रथांतल्यान बॅण्डा सयत श्रीशांतादुर्गा देवीची श्रीनारायण देवळा मेरेन मिरवणूक वतली. रातच्या 11 वरांचेर श्रीरामपुरूष नाट्य मंडळ घाडीवाड्या वतीन 2 अंकी ‘अतृप्त मी राहिले’ नाटक सादर जातलें.
आयतार 17 वेर सकाळीं 8 वरां सावन विवीध धर्मीक विधी. उपरांत सकाळीं 10.30 वरांचेर नारायण देवळा सावन श्रीशांतादुर्गा देवळा कडेन सवायशिणीं वतीन दिवजांची कार्यावळ आनी उपरांत नारायण देवळा कडेन कालोत्सव जातलो.
रातच्या 10 वरांचेर धावस्करवाडो हौशी नाट्यमंडळ, धावस्कारवाडो कारापूर वतीन 2 अंकी नाटक ‘निष्पाप’ सादर जातलें.
तरी भक्तांनी आनी सवायशिणींनी दर वर्सा प्रमाण अंदूंय सहकार्य करपाची विनंती श्रीशांतादुर्गा संस्थाना वतीन केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
