भांगरभूंय | प्रतिनिधी
राष्ट्रीय हरीत लवादान आदेश केलो रद्द
पणजी : आगोंदा रेस्टॉरंट आनी खोंपी बेकायदो आशिल्ले विशींचे कारणां दाखयात नोटीशेंत गोंय दर्यादेग विभाग वेवस्थापन प्राधिकरणान (जीसीझेडएमए) वेगळ्याच सर्वे क्रमांकांचो उल्लेख केल्ल्यान आदेश चुकीचो आशिल्ल्याचें राष्ट्रीय हरीत लवादान म्हणलां. आदेश चुकीचो आशिल्ल्यान तो रद्द केला. फुडली सुनावणी १७ मार्च २०२६ दिसा दवरल्या. अल्केमिस्ट ऍसेट रिकन्स्ट्रक्शन कंपनी लिमिटेडचे याचिकेचेर राष्ट्रीय हरीत लवादाचे न्यायालयीन वांगडी दिनेश कुमार सिंग आनी तज्ज्ञ वांगडी डॉ. सुजितकुमार वाजपेयी हांकां हो आदेश दिला.
आगोंदा याचिकादारान १०२/१ ह्या सर्व्हे नंबराचे जमनींत ११ खोंपी आनी १ रेस्टॉरंंट उभारपा खातीर परवानगी मागिल्ली. तरी हे विशीं जारी केल्ले कारणां दाखयात नोटिसींत खोंपी आनी रेस्टॉरंट सर्व्हे नंबर१०२/१, १०२/३ आनी ११८/२३त आशिल्ल्याचें म्हणलां. आदेश आनी कारणां दाखयात नोटिसींत वेगळे सर्व्हे नंबर आशिल्ल्यान जीसीझेडएमएन कारणां दाखयात हे नोटीसीचो आदेश रद्द केला. अल्केमिस्ट ऍसेट रिकन्स्ट्रक्शन कंपनीन आदेशाक आव्हान दिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
